బడ్జెట్​ పై ఎవరేమన్నారు?

దేశ ప్రజల అభివృద్ధియే లక్ష్యంగా కేంద్ర బడ్జెట్​ ఉంది. యువత, రైతులు, మహిళా శక్తికి పెద్దపీట వేశారు. నిరుద్యోగులకు మేలు చేకూరడంతోపాటు దేశాభివృద్ధికి దోహదం చేస్తుంది.

కేంద్ర హోంమంత్రి అమిత్ షా 

అధునాతన మౌలిక సదుపాయాలు, ఆవిష్కరణలు, నూతన సంస్కరణలను చేపట్టేలా బడ్జెట్​ ను తీర్చిదిద్దడం అభినందనీయం. సమాజంలోని అన్ని వర్గాలను దృష్టిలో పెట్టుకున్నారు. సుసంపన్నమైన బడ్జెట్​. బలమైన భవిష్యత్​ కు ఈ బడ్జెట్​ పునాది వేయనుంది.

కేంద్రమంత్రి నితీన్​ గడ్కరీ

టీ వర్కర్స్ ఇన్సెంటివ్ స్కీమ్ అమలుకు కేంద్ర బడ్జెట్‌లో రూ 1000 కేటాయింపులు అభినందనీయం. దీంతో అసోంలోని టీ తోటల పెంపకాలు, ఉత్పత్తి, విక్రయాలు పెరుగుతాయి. 

 అసోం సీఎం శర్మ

ఈ బడ్జెట్​ మధ్యతరగతి వర్గాల కలలను ప్రతిబింబించేలా ఉంది. వారిపై పన్నుల భారాన్ని తగ్గించడం అభినందనీయం. అదే సమయంలో నిరుపేదలు, మధ్యతరగతి సొంతింటి కలను సాకారం చేసుకునేలా ఉంది. 

రైల్వే శాఖ మంత్రి అశ్విని వైష్ణవ్ 

బిహార్​ ప్రత్యేక హోదానే ఆశించినా బడ్జెట్​ లో నిధుల కేటాయింపులు హర్షణీయం. ఇది గొప్ప ప్యాకేజీయే. దీంతో ఈ ప్రాంత మౌలిక సదుపాయాల కల్పన మరింత మెరుగవుతుంది. ప్రతీ రంగంలో వృద్ధి నమోదు చేసుకునే అవకాశం ఉంది. 

జేడీయూ లలన్​ సింగ్​

కొత్త పన్ను ప్రకటన స్వాగతించదగినదే. భారత సూదూర లక్ష్యాలైన ఐదు ట్రిలియన్​ ఆర్థిక వ్యవస్థ రూపకల్పనలో ఈ బడ్జెట్​ దోహదపడుతుంది. 

యూపీ సీఎం ముఖ్యమంత్రి యోగి ఆదిత్యనాథ్ 

రైతుల సంక్షేమాన్ని కోరుకునే దిశగా బడ్జెట్​ కు రూపం కల్పించడం సంతోషకరం. రైతుల కోసం అనేక పథకాలను అమలు చేయడం హర్షణీయం. మహారాష్ర్ట రైతులకు ఈ బడ్జెట్​ ద్వారా పెద్ద యెత్తున ప్రయోజనం చేకూరనుంది. 

మహారాష్​ర్ట డిప్యూటీ సీఎం దేవేంద్ర ఫడ్నవీస్​

బంగారం, వెండిపై దిగుమతి సుంకం తగ్గింపు నిర్ణయం సరైంది. దీంతో కొనుగోళ్లు భారీ యెత్తున జరిగే అవకాశం ఉంది. 

పీఎన్​ జీ జువెలర్స్ ఛైర్మన్ సౌరభ్ గాడ్గిల్

బంగారం, వెండి ధరలపై సుంకం తగ్గింపు నిర్ణయంతో స్మగ్లింగ్​ కు అడ్డుకట్ట పడుతుంది. తద్వారా పారదర్శకమైన కొనుగోళ్లకు ఆస్కారం ఏర్పడుతుంది. ఈ పరిశ్రమలకు మరింత ఊతం లభిస్తుంది.

జువెలర్స్‌ అసోసియేషన్‌ చైర్మన్‌ యోగేష్‌ సింఘాల్‌

ఉపాధి, కలలు సాకారం. సామాన్య పౌరులు, యువతను ఉపాది దిశగా పయనింపజేసే అంశాలపై దృష్టి సారించారు. అదే సమయంలో ఆంధ్రప్రదేశ్​ కు ఇచ్చిన వాగ్ధానాన్ని నెరవేర్చారు. 

కేంద్రమంత్రి రామ్మోహన్​ నాయుడు

బడ్జెట్​ లో సమతూకాన్ని పాటించారు. మహిళలు, యువత, రైతులు, కార్మికులకు అత్యధిక ప్రాధాన్యం ఇచ్చారు. బిహార్​ కు ప్యాకేజీ ప్రకటించడం గొప్ప విషయం

కేంద్రమంత్రి గిరిరాజ్​ సింగ్​