బడ్జెట్​ లో తెలంగాణకు మొండిచేయి

నా తెలంగాణ, డోర్నకల్: కేంద్ర బడ్జెట్​ లో తెలంగాణకు మొండిచేయే లభించిందని మహాబూబాబాబాద్​ జిల్లా మరిపెడ మండల కాంగ్రెస్​ పట్టణ అధ్యక్షుడు షేక్​ తాజుద్దీన్​ అన్నారు. మంగళవారం బడ్జెట్​ విడుదల అనంతరం ఆయన విలేఖరులతో మాట్లాడారు.

బిహార్​, ఆంధ్ర ప్రదేశ్​ కు భారీ ఎత్తున నిధులు కేటాయించి పెద్ద పీట వేసి తెలంగాణను మరిచారని విమర్శించారు. బడ్జెట్​ లో ఎక్కడా తెలంగాణ ప్రస్తావనే లేకపోవడం శోచనీయమన్నారు. తెలంగాణకు కేటాయింపులు ఉంటాయని ఎంతో ఆశగా ఎదురు చూస్తే నిరాశ తప్పలేదన్నారు. ములుగులో గిరిజన యూనివర్సిటీ, బయ్యారం ఉక్కు ఫ్యాక్టరీ, కాజీపేట రైల్వే కోచ్​ ఊసే లేకపోవడం బాధాకరమన్నారు. అరచేతిలో వైకుంఠాన్ని చూపెట్టాలా బడ్జెట్​ ఉందని తాజుద్దీన్​ విమర్శించారు. తెలంగాణకు నిధులు కేటాయించకపోవడం పట్ల ఆగ్రహం వ్యక్తం చేశారు.