సిఎంఆర్ఎఫ్ చెక్కుల పంపిణీ
Distribution of CMRF cheques
నా తెలంగాణ, సంగారెడ్డి టౌన్: కంది, కొండాపూర్ మండలాలకు చెందిన సిఎంఆర్ ఎఫ్ చెక్కులను ఎమ్మెల్యే చింతా ప్రభాకర్ చేతుల మీదుగా లబ్ధిదారులకు మంగళవారం అందజేశారు. ఈ సందర్భంగా ఎమ్మెల్యే చింతా మాట్లాడుతూ.. ఖరీదైన వైద్యం చేసుకోలేకపోతున్న కుటుంబాలకు ఆసరాగా నిలుస్తుందన్నారు. ఎమ్మెల్యే ద్వారా చెక్కులు అందుకున్న లబ్ధిదారులు కృతజ్ఞతలు తెలిపారు.
ఈ కార్యక్రమంలో మాజీ సీడీసీ చైర్మన్ కాసాల బుచ్చిరెడ్డి, మాజీ జడ్పీటీసీ కొండల్ రెడ్డి, మండల పార్టీ అధ్యక్షులు మధుసూదన్ రెడ్డి, విఠల్, కార్యదర్శులు శ్రీనివాస్ గౌడ్, గోవర్ధన్ రెడ్డి, కృష్ణ గౌడ్, మోహన్ రెడ్డి, పాండు, నగేష్ , లబ్దిదారులు పాల్గొన్నారు.
ర్యాగింగ్ కు దూరం: ఎస్సీ చెన్నూరి
ర్యాగింగ్ కు పాల్పడి చట్టం ముందు దోషులుగా నిలువొద్దని సంగారెడ్డి జిల్లా ఎస్పీ చెన్నూరి రూపేష్ విద్యార్థులకు సూచించారు. ఓ కళాశాలలో ఏర్పాటు చేసిన యాంటీ ర్యాగింగ్, యాంటీ డ్రగ్ సెన్సిటైజేషన్ కార్యక్రమంలో భాగంగా జిల్లా ఎస్పీ చెన్నూరి రూపేష్ ముఖ్య అతిధిగా పాల్గొని ప్రసంగించారు. ఈ సందర్భంగా విద్యార్థులకు పలు సూచనలు, సలహాలు, హెచ్చరికలు జారీ చేశారు.
ఈ కార్యక్రమంలో మెడికల్ కళాశాల ప్రిన్సిపాల్ డా.సుధామాధురి, సూపరింటెండెంట్ డా.అనిల్ కుమార్, మెడికల్ కళాశాల ప్రొఫెసర్స్, విద్యార్థిని, విద్యార్థులు పాల్గొన్నారు.
త్రీ కె రన్..
అక్టోబర్ 29 న ప్రపంచ బ్రెయిన్ స్ట్రోక్ (పక్షవాతం) దినోత్సవాన్ని పురస్కించుకుని హోప్ న్యూరో, కార్డియాక్ ఆసుపత్రి ఆధ్వర్యంలో మంగళవారం ఉదయం 7గంటలకు 3కె రన్ నిర్వహించారు. ఈ కార్యక్రమాన్ని జిల్లా అడిషనల్ ఎస్పీ, సంజీవ రావు ప్రారంభించారు. ఈ సందర్భంగా ఆయన ఆరోగ్యం, రోగాల వ్యాప్తి, నివారణ, చికిత్స తదితరాలపై మాట్లాడి కార్యక్రమానికి విచ్చేసిన వారికి అవగాహన కల్పించారు.
ఈ కార్యక్రమంలో ఐఎంఎం అధ్యక్షులు డా. ఉషా కిరణ్, యువజన సంఘాల అధ్యక్షులు కూన వేణు, సీపీఎం జిల్లా కార్యవర్గ సభ్యులు అతిమెల మానిక్ తదితరులు పాల్గొన్నారు.
సర్వేకు ఏర్పాట్లు: కలెక్టర్ క్రాంతి వల్లూరు
ప్రభుత్వం ప్రతిష్టాత్మకంగా చేపడుతున్న సమగ్ర సర్వే నవంబర్ లో నిర్వహిస్తామని కలెక్టర్ క్రాంతి వల్లూరు స్పష్టం చేశారు. ఇందుకోసం అధికారులు అన్ని రకాలుగా సిద్ధంగా ఉండాలని పిలుపునిచ్చారు. సర్వేకోసం ఎమ్యూరేటర్లు, ప్రణాళికలను సిద్ధం చేయాలన్నారు. గ్రామాలు, గ్రామ పంచాయితీలలో విలనం కావడంతో ఎదురవుతున్న సమస్యలపై తగిన చర్యలు తీసుకోవాలన్నారు. ఈ కార్యక్రమంలో అదనపు కలెక్టర్ చంద్రశేఖర్, ట్రయినింగ్ కలెక్టర్ మనోజ్, జడ్పీ సీఈఓ జానకి రెడ్డి, సీపీవో బాలశౌరి, ఆర్డీవో రవీందర్ రెడ్డి, ఎంపీడీవో లు తహసీల్దార్ లు మునిసిపల్ కమీషనర్ లు తదితరులు పాల్గొన్నారు.
