రష్యా దాడితోనే విమాన ప్రమాదం

బాకు: అజర్​ బైజాన్​ కు చెందిన విమానంపై రష్యా దాడి చేసిందని ఆ దేశాధ్యక్షుడు ఇల్హామ్​ అలియవ్​ ఆదివారం మీడియాకు తెలిపారు. ఇది విషాద సంఘటనగా పేర్కొన్నారు. డిసెంబర్​ 25న కజకిస్తాన్​ లోని అక్టౌ నగరానికి సమీపంలో అజర్​ బైజాన ఎయిర్​ లైన్స్​ ప్యాసింజర్​ విమానం ప్రమాదానికి గురైంది. ఈ ప్రమాదంలో 38మంది ప్రయాణికులు మృతిచెందారు. ఈ విమానాన్ని ఉక్రెయిన్​ కు చెందిన డ్రోన్లను కూల్చేందుకు రష్యా ప్రయత్నిస్తుండగా పొరపాటున మిస్సైల్​ విమానాన్ని పేల్చివేసింది. శనివారం ఈ ప్రమాదంపై రష్యా అధ్యక్షుడు వ్లాదిమిర్​ పుతిన్​ క్షమాపణలు చెప్పారు. ఒకరోజు తరువాత అజర్​ బైజాన్​ అధ్యక్షుడు ఇల్హామ్​ ప్రకటన వెలువడింది. కాగా తొలుత విమాన ప్రమాదం సాంకేతిక లోపం కారణంగానే జరిగిందని భావించారు. అనంతరం దర్యాప్తు బృందాల విచారణలో పక్షి ఢీకొందన్నారు. చివరకు అసలు కారణాన్ని కనుగొని అధ్యక్షుడికి తెలిపారు. ఈ విషయాన్ని తెలుసుకున్న రష్యా అధ్యక్షుడు వ్లాదిమిర్​ పుతిన్​ అధ్యక్షుడి ప్రకటన కంటే ఒక రోజు ముందే జరిగిన తప్పిదాన్ని ఒప్పుకొని క్షమాపణలు తెలిపారు. కాగా ఈ ప్రమాదంలో 38మంది మృతి చెందగా, 29మందికి తీవ్ర గాయాలయ్యాయి.