ప్రజల ప్రాణాలతో చెలగాటమా?

నా తెలంగాణ, డోర్నకల్​: ఆర్​ ఎంపీ వైద్యులు స్థాయికి మించిన వైద్యం చేస్తూ ప్రజల ప్రాణాలతో చెలగాటం ఆడితే కఠిన చర్యలు తప్పవని మహాబూబాబాద్​ జిల్లా వైద్యాధికారిణి కళావతి భాయి అన్నారు. మరిపెడ మండల కేంద్రంలోని ప్రైవేట్​ ఆసుపత్రుల్లో కళావతి భాయి మంగళవారం ఆకస్మిక తనిఖీలు చేపట్టారు.  ఈ సందర్భంగా ప్రభుత్వాసుపత్రికి కూతవేటు దూరంలో ఉన్న ప్రథమ చికిత్స కేంద్రంలో దాడులు నిర్వహించి ఆర్​ ఎంపీ వైద్యుడు రాస్తున్న మందుల చీటిలను పరిశీలించి అవాక్కయ్యారు. ఎం చదివారని ఈ మందులు రాశారని నిలదీశారు. ఆర్​ఎంపీలకు ప్రభుత్వం కొన్ని దిశా నిర్దేశాలను సూచించిందని అవి తెలియదా? అని ఆగ్రహం వ్యక్తం చేశారు. నిషేధిత మందులను రాస్తూ ప్రజల ప్రాణాలతో చెలగాటం ఆడతారా? అని తీవ్ర ఆగ్రహం వ్యక్తం చేస్తూ ఆసుపత్రిని సీజ్​ చేశారు.