ఋణమాఫీపై అధైర్యపడొద్దు

నా తెలంగాణ, బాసర: బాసర మండల రైతలు రుణమాఫీ కానీ వారు అధైర్య పడొద్దని ప్రభుత్వం ఇచ్చిన మాటకి కట్టుబడి ఉందని మంగళవారం నోడల్ ఆఫీసర్ గా బాసర రైతు వేదికకు విచ్చేసిన వ్యవసాయాధికారి శ్రీకర్ తెలిపారు. అధికారి శ్రీకర్​ ను బాసర మండల కాంగ్రెస్​ అధ్యక్షులు ఎం. రమేష్​, బీసీ సెల్​ అధ్యక్షులు జంగం రమేష్​ లు సన్మానించారు. ఎం. రమేష్​ మాట్లాడుతూ.. 17వేల కోట్ల రూపాయలు 23 లక్షల ఖాతాలలో జమ చేశామన్నారు. 14వేల కోట్ల రూపాయలు 16 లక్షల ఖాతాలకు జమ చేస్తామన్నారు. రైతులు అపోహలను నమ్మవద్దన్నారు. 

ఋణమాఫీ విషయంలో పారదర్శకంగా కాంగ్రెస్​ ప్రభుత్వం అడుగులు వేస్తోందన్నారు. ఋణమాఫీ అయిన లిస్టును గతంలో ఏ ప్రభుత్వం విడుదల చేయలేదని కానీ తమ ప్రభుత్వం పూర్తి పారదర్శకంగా వ్యవహరిస్తోందని రమేష్​ తెలిపారు.