అడ్డగోలు ఫీజులపై చర్యలేవి?

నా తెలంగాణ, షాద్ నగర్: ప్రైవేట్​ స్కూళ్ల అడ్డగోలు ఫీజులను నియంత్రించలేక విద్యాశాఖాధికారులు చేతులెత్తేశారని షాద్​ నగర్​ ఎమ్మార్పీఎస్​ అధ్యక్షులు పెంటనోళ్ల రవికుమార్​ మాదిగ ఆరోపించారు. శుక్రవారం ప్రైవేట్​ పాఠశాలల ఫీజుల దోపీడీపై ప్రకటన విడుదల చేశారు. డొనేషన్లు, అడ్మిషన్లు, స్టేషనరీ పేరు చెబుతూ విద్యను వ్యాపారంగా మార్చారని మండిపడ్డారు. నిరుపేదలను దోచుకుతింటున్నారని ఆగ్రహం వ్యక్తం చేశారు. దోపిడీపై పలుమార్లు విద్యాశాఖాధికారులకు విన్నవించినా పట్టించుకోవడం లేదని ఆరోపించారు. ఇప్పటికైనా షాద్​ నగర్​ లోని ప్రైవేట్​ స్కూళ్ల ఫీజులపై అధికారులు దృష్టి సారించాలని రవికుమార్​ మాదిగ డిమాండ్​ చేశారు. నిబంధనలకు విరుద్ధంగా వ్యవహరిస్తున్న పాఠశాలలపై చర్యలు తీసుకోవాలని డిమాండ్​ చేశారు.