పాక్ కు మద్ధతు చైనా సంస్థలపై అమెరికా ఆంక్షలు
బీజింగ్ లో ప్రకంపనలు పాక్ కు సాంకేతికత అందజేత మరణశాసనమే ఆ సంస్థల భవిష్యత్ ప్రశ్నార్థకం!
నా తెలంగాణ, న్యూ ఢిల్లీ: పాకిస్థాన్ క్షిపణి కార్యక్రమానికి చైనా కు చెందిన నాలుగు సంస్థలు సహాయం చేయడంపై అమెరికా వార్నింగ్ ఇచ్చింది. నాలుగు చైనా సంస్థలపై నిషేధం విధిస్తున్నట్లు ఆ దేశ విదేశాంగ శాఖ ప్రకటించింది. అమెరికా నిర్ణయంతో బీజింగ్ లో తీవ్ర ఆందోళన నెలకొంది. ఈ విషయాన్ని అమెరికా ప్రతినిధి మాథ్యూ మిల్లర్ శుక్రవారం ఒక ప్రకటనలో వెల్లడించారు. రాకెట్ లను ప్రయోగించేందుకు బీజింగ్ రీసెర్చ్ ఇన్ స్టిట్యూట్ పాక్ కు బాలిస్టిక్ క్షిపణుల తయారీలో సహకారం అందజేసింది. పలు ఒప్పందాల ప్రకారం ఉగ్ర చర్యలకు పాల్పడుతున్న దేశాలకు ఇలాంటి సాంకేతికత అందజేత, సహాయంపై నాటో, ఐక్యరాజ్యసమితి దేశాల ప్రకారం అందజేయకూడదనే నిబంధనలున్నాయి. పలుమార్లు పాక్ బహిరంగంగానే ఉగ్రవాద దేశంగా ముద్రపడినందున ఇలాంటి విషయాల్లో జాగ్రత్తగా మెసలు కోవాలని అత్యాధునిక సాంకేతికత అందజేత ఇతర దేశాలకు మరణశాసనం కాగలదనే నిబంధనలున్నాయి.
లువో టెక్నాలజీ, చాంగ్ జౌ యుటెక్, జనరల్ టెక్నాలజీ లిమిటెడ్ లాంటి సంస్థలపై యూఎస్ ఆంక్షలు విధించింది. దీంతో ఆయా సంస్థలకు విదేశాల నుంచి సరఫరా కానున్న ముడిపదార్థాలు పూర్తిగా నిలిచిపోనున్నాయి. దీంతో ఆ సంస్థల భవిష్యత్ ప్రశ్నార్థకం కానుంది.
