అక్రమ అరెస్టులపై మండిపడ్డ బీఆర్ ఎస్​

నా తెలంగాణ, మెదక్​: బీఆర్ ఎస్ పార్టీ నాయకుల అక్రమ అరెస్టులపై మాజీ ఎమ్మెల్యే జిల్లా పార్టీ అధ్యక్షురాలు  పద్మా దేవేందర్ రెడ్డి తీవ్ర ఆగ్రహం వ్యక్తం చేశారు. కొంపల్లి నివాసంలో  జిల్లా పార్టీ  అధ్యక్షురాలిని హౌస్ అరెస్టు చేయడంపట్ల ఆవేదన వ్యక్తం చేశారు. ఈ సందర్భంగా శుక్రవారం పద్మా దేవేందర్​ రెడ్డి మాట్లాడుతూ.. అరెస్టులను ఖండిస్తున్నట్లు తెలిపారు. తక్షణమే బీఆర్​ఎస్​ నాయకులను విడుదల చేయాలని డిమాండ్​ చేశారు. కౌశిక్​ రెడ్డిపై దాడికి పాల్పడిన వారిని అరెస్టు చేయకుండా పోలీసులు అప్రజాస్వామికంగా వ్యవహరిస్తున్నారని మండిపడ్డారు. ప్రభుత్వానికి చిత్తశుద్ధి ఉంటే వెంటనే కాంగ్రెస్​, ఎమ్మెల్యే గాంధీ అనుచరులు, గుండాలను అరెస్టు చేయాలని పద్మా దేవేందర్​ రెడ్డి డిమాండ్​ చేశారు. 
ఈ కార్యక్రమంలో మెదక్ పట్టణ కన్వీనర్ మామిళ్ళ ఆంజనేయులు, మున్సిపల్ వైస్ చైర్మన్ మల్లికార్జున గౌడ్, కౌన్సిలర్లు కృష్ణారెడ్డి ఆర్కే శ్రీనివాస్ జయరాజ్, హవేలీ ఘనపూర్,  మెదక్ మండల నాయకులు మండల పార్టీ అధ్యక్షుడు శ్రీనివాస్, నాయకులు జయరాం రెడ్డి, ఎస్​. సాయిలు, ఆంజనేయులు, ప్రభాకర్, ఎలక్షన్ రెడ్డి, గంజి. నవీన్, శ్రీనివాస్ గౌడ్ లను వెంటనే విడుదల చేయాలని డిమాండ్ చేశారు.