యమునా కాలుష్యానికి యూపీ, హరియాణా కారణం

నా తెలంగాణ, న్యూ ఢిల్లీ: ఢిల్లీ యమునా, ఆనంద విహార్​ కాలుష్యానికి ఉత్తరప్రదేశ్​, హరియాణాలే కారణమని సీఎం అతిశీ ఆరోపించారు. ఈ ఆదివారం పెరుగుతున్న కాలుష్యంపై మీడియాతో మాట్లాడారు.  రెండు రాష్​ర్టాలు శుద్ధి చేయకుండా నీటిని వదులుతుండడంతో యమునా నదిలో కాలుష్య కారకాలు పెరుగుతున్నాయని విమర్శించారు. ఆదివారం నుంచి యమునా నీటిలో కాలుష్​యాన్ని తగ్గించేందుకు ఢిల్లీ జల్​ బోర్డు స్పెషల్​ డ్రైవ్​ నిర్వహిస్తుందని తెలిపారు. యమునాలో వచ్చే నురగను తగ్గించే ప్రయత్నం చేస్తామన్నారు. ఆనంద్​ విహార్​ ప్రాంతంలో ఏక్యూఐ 445కు చేరుకోవడం పరిస్థితి తీవ్రతకు అద్దం పడుతుందన్నారు. ఈ అంశంపై యూపీ, హరియాణా ప్రభుత్వాలతో మాట్లాడతానన్నారు. ఢిల్లీ అంతటా 99 బృందాలను ఏర్పాటు చేసి ధూళి నియంత్రణ చర్యలు చేపడుతున్నట్లు తెలిపారు. 325 స్మోక్​ గన్​ లతో కాలుష్యాన్ని తగ్గించే చర్యలు తీసుకున్నామని తెలిపారు. రద్దీగా ఉన్న ప్రాంతాల్లో ఆక్రమణలను తొలగిస్తున్నామని తెలిపారు.