వసతి గృహంలో అగ్నిప్రమాదం ఇద్దరు మృతి

చెన్నై:  తమిళనాడులోని మదురై కాట్రపాళయంలోని మహిళా వసతి గృహంలో అగ్నిప్రమాదం చోటు చేసుకొని ఇద్దరు మృతి చెందారు. గురువారం ఉదయం అగ్నిప్రమాదం సంభవించింది. హాస్టల్​ లో మొత్తం 40మందికిపైగా బాలికలు ఉంటున్నారని స్థానికులు తెలిపారు. అగ్నిప్రమాదం విషయం తెలుసుకున్న పోలీసులు, అగ్నిమాపక శాఖ, అధికారులు వెంటనే రంగంలోకి దిగి మంటలను ఆర్పారు. ఈ ప్రమాదంలో ఇద్దరు మృతి చెందగా మరో ఇద్దరికి తీవ్ర గాయాలయ్యాయి. ఈ ఘటనపై ఉన్నత స్థాయి విచారణకు మదురై కలెక్టర్​ సంగీత అధికారులను ఆదేశించారు. మరోవైపు నిబంధనలకు విరుద్ధంగా హాస్టల్​ ను నడుపుతున్నారని స్థానికులు ఆరోపిస్తున్నారు.