సౌదీలో పాక్​ బిచ్చగాళ్లు, పిక్​ పాకెటర్లు

నా తెలంగాణ, న్యూ ఢిల్లీ: పాక్​ కు సౌదీ మరోమారు హెచ్చరికలు జారీ చేసింది. త్వరలోనే తమ దేశ బిచ్చగాళ్ల మాఫియాను సౌదీ రాకుండా అడ్డుకోవాలని పేర్కొంది. బుధవారం సౌదీ అరేబియా డిప్యూటీ ఇంటీరియర్​ మంత్రి నాసర్​ బిన్​ అబ్దుల్​ అజీజ్​ అల్​ దావూద్​ పాక్​ మంత్రి మొహ్సిన్​ రజా నఖ్వీకి ఈ విషయాన్ని ఘాటూగానే చెప్పారు. పాకిస్తాన్ బిచ్చగాళ్ళను పంపడం మానేయకపోతే చర్యలు తీసుకుంటామని హెచ్చరించారు. మక్కా మసీదు నుంచి అరెస్టు చేసిన పాక్​ జాతీయులలో పిక్ పాకెట్లలో 90 శాతం మంది ఉన్నారని మంత్రి తెలిపారు. ప్రతీయేటా హజ్​ యాత్ర పేరుతో ఇక్కడకు వచ్చి బిచ్చగాళ్లుగా, పిక్​ పాకెటర్లుగా అవతారం ఎత్తడాన్ని ఆయన తీవ్రంగా తీసుకున్నారు. ఈ చర్యలకు వెంటనే ముగింపు పలకాలన్నారు. లేకుంటే ఇరుదేశాల మధ్య మరింత సామాజిక అస్థిరత పెరుగుతుందని హెచ్చరించారు. బిచ్చగాళ్ల మాఫియాపై సౌదీలో ప్రభుత్వం జీరో టాలరెన్స్​ విధానాన్ని అవలంభిస్తామన్నారు. వారిపై పాక్​ ప్రభుత్వమే కఠిన చర్యలు తీసుకోవాలన్నారు.