యూపీలో ఘోర ప్రమాదం.. ట్రాక్టర్​ బోల్తా.. 24మంది మృతి

లక్నో: యూపీలోని కాస్​ గంజ్​ లో శనివారం ఘోర ప్రమాదం జరిగింది. చెరువులో ట్రాక్టర్​ బోల్తా పడడంతో 24మంది మృతి చెందారు. వీరిలో మహిళలు, చిన్న పిల్లలున్నారు. మాఘ పూర్ణిమ సందర్భంగా భక్తులు పెద్ద ఎత్తున గంగాస్నానం కోసం ఇక్కడకు వస్తుంటారు. ట్రాక్టర్​ లో వస్తుండగా అదుపుతప్పి గట్టు ఒడ్డు నుంచి ట్రాక్టర్​ బోల్తా కొట్టింది. దీంతో ఒక్కసారిగా ట్రాక్టర్​ చెరువులో పడింది. స్థానికులు విషయం తెలుసుకొని హుటాహుటీన సంఘటనా స్థలానికి చేరుకున్నా అప్పటికే ఆలస్యం జరిగింది. 24మంది మృతదేహాలను స్థానికులు వెలికితీశారు. స్థానికుల సమాచారం మేరకు పోలీసులు సహాయక చర్యల్లో వేగం పెంచారు. ఈ ఘటనలో పలువురికి తీవ్ర గాయాలయ్యాయి. వారిని స్థానిక ఆసుపత్రికి తరలించారు. ఘటనపై సీఎం యోగి ఆదిత్యనాథ్​ యోగి తీవ్ర విచారం వ్యక్తం చేశారు. మృతుల కుటుంబాలకు తన ప్రగాఢ సానుభూతిని వ్యక్తం చేశారు. ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.