రోడ్డు ప్రమాదం.. 9మంది మృతి, ఒకరికి గాయాలు

జైపూర్​: రాజస్థాన్​ ఝలావర్​ లో ఘోర రోడ్డు ప్రమాదం జరిగింది. ఈ ప్రమాదంలో తొమ్మిది మంది మృతి చెందారు. ఆదివారం వేకువజామున  ఈ ప్రమాదం చోటు చేసుకుంది. పోలీసులు తెలిపిన వివరాల ప్రకారం.. పెళ్లి బృందం మారుతీ వ్యాన్​ ను ట్రాలీ ఢీ కొట్టింది. వ్యాన్​ రెక్కలు ఊడిపోవడంతో ఈ ప్రమాదం చోటు చేసుకున్నట్లు పోలీసులు తెలిపారు.

మధ్యప్రదేశ్​ లోని దుంగ్రీలో జరిగిన ఓ వివాహ వేడుకకు హాజరై తిరిగి దుగర్​ గావ్​ లోని తమ ఇంటికి తిరిగి వస్తుండగా అక్లెరా పోలీస్​స్టేషన్​ పరిధి ఎన్​హెచ్​–52లోని పచోలా సమీపంలో మారుతీ వ్యాన్​ ను ట్రాలీ ఢీకొట్టింది. ప్రమాదం జరిగిన వెంటనే ఆ ప్రాంతమంతా బీతావహంగా మారింది. సమాచారం అందుకున్న వెంటనే పోలీసులు హుటాహుటీన సంఘటనా స్థలానికి చేరుకొని సహాయక చర్యలు చేపట్టారు.

క్షతగాత్రులను సమీపంలోని ఆరోగ్య కేంద్రానికి తరలించారు. 9మంది మృతి చెందగా, ఒకరికి గాయాలైనట్లు అక్లెరా పోలీస్​ స్టేషన్​ అధికారి బిష్ణోయ్​ తెలిపారు. ఈ ప్రమాదంపై కేసు నమోదు చేసుకొని దర్యాప్తు చేస్తున్నట్లు వివరించారు. మృతులంతా 35యేళ్ల వారేనని అన్నారు.