హై కమిషనర్లను వెనక్కి పిలిచిన బంగ్లా

నా తెలంగాణ, న్యూ ఢిల్లీ: బంగ్లాదేశ్​ తాత్కాలిక ప్రభుత్వం భారత్​ లోని హైకమిషనర్​ తో ఐదు దేశాల్లో ఉన్న తమ దౌత్యవేత్తలను వెనక్కి పిలిపించింది. తాత్కాలిక ప్రధాని మహ్మద్​ యూనస్​ కార్యాలయం ఈ మేరకు గురువారం ఉదయం ఉత్తర్వులు జారీ చేసింది వెంటన ఢాకాకు తిరిగి రావాలని కోరింది. భారత్​ తోపాటు ఆస్ట్రేలియా, బెల్జియం, పోర్చుగల్, ఐక్యరాజ్యసమితి దౌత్యవేత్తలను కూడా వెనక్కి పిలిపించారు. బంగ్లాదేశ్​ లో రాజకీయ సమీకరణాలు పూర్తిగా మారిన తరువాత ఆ దేశంలో చెలరేగుతున్న అలజడులు ప్రపంచదేశాల్లో ఆందోళన కలిగిస్తున్నాయి. ముఖ్యంగా భారతీయులు, హిందూసమాజంపై జరుగుతున్న దాడులతో పలుమార్లు భారత్​ తీవ్ర ఆవేదన వ్యక్తం చేసింది. షేక్​ హసీ హసీనా రాజీనామా, దేశం విడిచి భారత్​ లో ఉండడం, భారత్​ కు వ్యతిరేకంగా ఉన్న కొందరు విద్యార్థి ఉగ్రనాయకులు తాత్కాలిక ప్రభుత్వంలో చోటు సంపాదించడం వంటి పరిణామాలతో ప్రస్తుతం బంగ్లా తీవ్ర ఆర్థిక మాంద్యాన్ని ఎదుర్కొంటోంది. దీన్ని పూడ్చుకునేందుకే హై కమిషనర్లను వెనక్కు పిలిపించిందా? లేక మరెదైనా కారణమా? అనే విషయం తెలియదు.