విశ్వాసం, నమ్మకాలను పెంపొందించేదే ధ్యానం

న్యూ యార్క్​: ధ్యానం ప్రశాంతతను, సంతృప్తిని చేకూరుస్తుందని తద్వారా ప్రపంచ శాంతి సాధ్యమని ఆధ్యాత్మిక వేత్త రవిశంకర్​ అన్నారు. ధ్యానం విశ్వవ్యాప్త సత్యాన్ని వెలికితీస్తుందని, మానవుల్లో విశ్వాసం, నమ్మకాలను, సమతుల్యతను పెంపొందిస్తుందన్నారు. శనివారం అంతర్జాతీయ ధ్యాన దినోత్సవం సందర్భంగా యూఎన్​ (ఐక్యరాజ్యసమితి)లో ప్రారంభోపన్యాసం చేశారు. అంతర్జాతీయ శాంతి, భద్రతకు బెదిరింపులు అనే అంశంపై మాట్లాడారు. ప్రపంచంలో పలు దేశాల్లో జరుగుతున్న యుద్ధాల్లో అమాయకులు, పిల్లల పరిస్థితులను విస్మరిస్తున్నారని ఆవేదన వ్యక్తం చేశారు. ధ్యానం ద్వారా శాంతి లభిస్తుందని, విద్యలో ఈ అంశాలను చేరిస్తే రాబోయే తరాల ఆలోచనల్లో మార్పు చేసుకుంటుందన్నారు. టెన్షన్స్​, నెగెటివ్​ ఎమోషన్స్​, ఏకాగ్రత లాంటి విషయాలపై విద్యార్థులకు అర్థమయ్యేలా వివరించాలన్నారు. ప్రపంచదేశాలు ఈ దిశగా ప్రయత్నం చేయాలని విజ్ఞప్తి చేశారు. ధ్యానాన్ని నేడు ప్రపంచదేశాలు ఆదరిస్తున్నాయని ఎన్నో దేశాలు ఈ దినోత్సవాన్ని నిర్వహించడం హర్షించదగ్గ విషయమని రవిశంకర్​ అన్నారు. 

యూఎన్​ భారత ప్రతినిధి పి. హరీష్..
‘ప్రాచీన భారతీయ అభ్యాసం ధ్యానం, యోగ అన్నారు. ఈ రెండు విద్యలు వేలాది సంవత్సరాలుగా భారత సంస్కృతి, సాంప్రదాయాల్లో భాగమన్నారు. ప్రతీ మనిషి అంతర్గత ప్రశాంతతగా ఇవి ముఖ్యమన్నారు. దీంతో శరీరం, మనస్సు, ఆలోచన, చర్య, సామరస్యం లాంటి వాటిని నియంత్రించవచ్చని హరీష్​ తెలిపారు.