గేదె పేడేసింది.. శుభ్రం చేయలేదని రూ. 9వేల జరిమానా, గేదె జప్తు!

భోపాల్​: మధ్యప్రదేశ్​ లోని మున్సిపల్​ కార్పొరేషన్​ గేదె పేడవేసిందని, స్వచ్ఛతకు ఆటంకం కలిగిందని రూ.9వేలు జరిమానా వేసింది. అంతటితో ఆగకుండా గేదెను కూడా జప్తు చేస్తూ యాజమానికి షాక్​ ఇచ్చింది. గురువారం జరిమానా వేసినా శుక్రవారం ఈ ఘటన వెలుగులోకొచ్చింది. గ్వాలియర్​ లో జరిగిన ఈ ఘటన మీడియా దృష్టికి వచ్చింది. గ్వాలియర్​  మున్సిపల్​ కార్పొరేషన్​ స్వచ్ఛతపై క్యాంపెయినింగ్​ నిర్వహిస్తోంది. ఈ సమయంలో ఇంటి బయట రోడ్డుపై ఓ వ్యక్తి తన గేదెను కట్టివేశాడు. ఆ గేదె వేసిన పేడను శుభ్రం చేయలేదు. దీంతో మున్సిపల్​ కార్పొరేషన్​ ఆ వ్యక్తిపై ఆగ్రహం వ్యక్తం చేసింది. ఫోన్​ చేసి వెంటనే గేదెను కట్టివేసిన ప్రాంతానికి రావాలని ఆదేశించింది. ఆ వ్యక్తి అక్కడకు రాలేదు. దీంతో మున్సిపాలిటీ అధికారులకు చిర్రెత్తుకొచ్చింది. అంతే స్వచ్ఛతకు భంగం వాటిల్లేలా చేసినందుకు రూ. 9 వేల జరిమానాతోపాటు గేదెను జప్తు చేసింది. దీంతో గేదె యాజమాని లబోదిమంటున్నాడు.