నాటో జనరల్​ సెక్రెటరీగా నెదర్లాండ్స్​ ప్రధాని మార్క్​ రూట్​

నా తెలంగాణ, న్యూ ఢిల్లీ: బ్రస్సెల్స్​ నాటో ప్రధాన కార్యాలయంలో జరిగిన రాయబారుల సమావేశంలో సెక్రెటరీ జనరల్​ గా నెదర్లాండ్​ ప్రధాని మార్క్ రూట్‌ను నియమించింది. బుధవారం 32 దేశాల కూటమి రాయబారుల సమావేశంలో రూట్​ ను ఎన్నుకున్నారు. మార్క్​ రూట్​ అక్టోబర్ 1న సెక్రటరీ జనరల్‌గా బాధ్యతలు స్వీకరించనున్నారు. జూలై9 నుంచి 11 వరకు వాషింగ్టన్​ లో జరిగే శిఖరాగ్ర సమావేశంలో అమెరికా అధ్యక్షుడు జో బైడెన్​ నాటోదేశాలు నెదర్లాండ్​ ప్రధాని రూట్​ కు స్వాగతం పలుకనున్నారు. 

ప్రపంచంలో పలు దేశాల మధ్య యుద్ధ వాతావరణం కొనసాగుతున్న కీలక సమయంలో నాటూ జనరల్​ సెక్రెటరీగా ఈయనను నియమించడంతో భవిష్యత్​ లో ఉత్పన్నం అయ్యే సవాళ్లు సమర్థవంతంగా ఎదుర్కోవచ్చనే అభిప్రాయాన్ని పలువురు వ్యక్తం చేశారు.  

అంతకుముందు జనరల్​ సెక్రెటరీగా ఉన్న స్టోల్టెన్​ బర్గ్​ మార్క్​ రూట్​ ఎన్నికను స్వాగతించారు. మార్క్​ బలమైన నాయకుడన్నారు. ఆయన నేతృత్వంలో నాటూ మరింత బలపడుతుందన్న నమ్మకం ఉందన్నారు.