రామాలయం గర్భగుడిలో నీరు అవాస్తవం

లక్నో: అయోధ్య రామ మందిరం గర్భగుడిలో నీరు కారుతుందన్న విషయం వాస్తవం లేదని ఆలయ ట్రస్ట్​ ప్రధాన కార్యదర్శి చంపత్​ రాయ్​ స్పష్టం చేశారు. గర్భగుడిలో నీరు చేరుతుందన్న విషయం విభిన్నంగా వార్తలు వెలువడుతుండడంపై బుధవారం చంపత్​ రాయ్​ మీడియాతో మాట్లాడారు. రామ మందిరం గర్భగుడిలో ఒక్కచుక్కనీరు కూడా కారలేదన్నారు. ఆలయ నిర్మాణం పకడ్బందీగా జరిగిందన్నారు. ప్రస్తుతం ఆలయం బయట కొనసాగుతున్న మిగతా పైప్​ లైన్​ పనుల్లో వర్షం నీరు వస్తోందన్నారు. ఆలయంపైన పడ్డ నీరు ఆవరణలోని పార్కులోకి చేరే చర్యలను చేపట్టామన్నారు. పక్కా ప్రణాళికతో నిర్మాణం చేపట్టామన్నారు. ఈ పనులు ఇంకా కొనసాగుతున్నాయన్నారు. పార్కు ఆవరణలో నీటి నిల్వకు చర్యలు తీసుకున్నామన్నారు. గర్భగుడిలో నీరు చేరడం పూర్తిగా అవాస్తవమని చంపత్​ రాయ్​ తెలిపారు.