ప్రకృతి, మానవుల కళారూపాలపై రాష్ట్రపతి ముర్మూ హర్షం

నా తెలంగాణ, న్యూ ఢిల్లీ: ప్రకృతికి, మానవులకు ఉన్న బంధాలను కళారూపంలో ప్రదర్శించడం పట్ల రాష్ట్రపతి ద్రౌపదీ ముర్మూ హర్షం వ్యక్తం చేశారు. మంగళవారం న్యూ ఢిల్లీలోని రాష్ట్రపతి భవన్​ లో ఆర్ట్​ ఎగ్జిబిషన్​ న్​ లో జరిగిన ప్రదర్శనను ముర్మూ తిలకించారు. అనంతరం ప్రదర్శనలో ఉన్న కళాఖండాలను వీక్షించి కళాకారుల నైపుణ్యంపై సంతోషం వ్యక్తం చేశారు. వారి సృజనాత్మక చిత్రాలు ప్రకృతితో మానవుల జీవితం మమేకం కావడం పట్ల అభినందించారు. ఈ విధమైన కళలు, కళాకారులను మరింత ప్రోత్సహించాల్సిన అవసరం ఉందని దేశ ప్రజలను కోరారు. ఈ ప్రదర్శనలో గిరిజన సమకాలీన, సౌరా, గోండ్​, వార్లీ, ఐపాన్​ వంటి కళారూపాలను వర్ణించే సహజ రంగులతో చిత్రాలను రూపొందించారు.