క్షమా, కరుణ గొప్ప సందేశాలు 

న్యూఢిల్లీ: క్షమా, కరుణ అనేవి ఏసుక్రీస్తు ప్రపంచానికి ఇచ్చిన గొప్ప సందేశాలని క్రీస్తు జీవితం యావత్​ మానవాళికి స్ఫూర్తిదాయకమని ప్రధానమంత్రి నరేంద్ర మోదీ అన్నారు. శుక్రవారం గుడ్​ ఫ్రైడే సందర్భంగా క్రైస్తవులకు పర్వదిన శుభాకాంక్షలు తెలిపారు. క్రీస్తు బోధనలు మానవాళికి ఎంతో నేర్పించాయన్నారు. ఆయన త్యాగం వెలకట్టలేనిదని ప్రధాని పేర్కొన్నారు. కరుణ, క్షమాపణ అనే గుణాలతో మానవునిలో మరింత బలం పెరుగుతుందన్న క్రీస్తు బోధనలు ఆదర్శనీయమని ప్రధాని తెలిపారు.