21వ శతాబ్ధంలో భద్రత మరింత పటిష్ఠం
విదేశాంగ శాఖ మంత్రి ఎస్. జై శంకర్
నా తెలంగాణ, న్యూ ఢిల్లీ: ప్రధానమంత్రి నరేంద్ర మోదీ ఆధ్వర్యంలో భారత్ జాతీయ భద్రతా స్థితిని మరింత బలోపేతం చేసే దిశగా ముందుకు వెళుతుందని విదేశాంగ శాఖ మంత్రి ఎస్. జై శంకర్ అన్నారు. 21వ శతాబ్ధంలో అత్యంత క్లిష్టమైన సవాళ్లను సైతం శాంతియుతంగా పరిష్కరించడమే లక్ష్యంగా ముందుకు వెళుతున్నామని జై శంకర్ పునరుద్ఘాటించారు.
మంగళవారం న్యూ ఢిల్లీలో ఆర్మీ కమాండర్ జాతీయ భద్రతా కాన్ఫరెన్స్ సమావేశంలో ప్రసంగించారు. ఈ సందర్భంగా ఆయన మాట్లాడుతూ.. జాతీయ భద్రతా అత్యంత ఆవశ్యమన్నారు. ప్రభుత్వ విధానాలు, ఏజెన్సీల వనరులు, దేశీయ నైపుణ్యాలను పూర్తిగా వినియోగించుకుంటామని తెలిపారు.
సంక్లిష్టమైన భౌగోళిక, రాజకీయ సవాళ్లను సైతం వ్యూహాత్మకంగా, స్థిరంగా తీర్చిదిద్దేందుకు అత్యంత ప్రాధాన్యం ఇస్తున్నామని తెలిపారు. ఈ సమావేశంలో భారత సైన్యం పరిజ్ఞానం, సామర్థ్యం, అభివృద్ధిని మెరుగుపరిచే విధానంపై వివరించారు. అదే సమయంలో విదేశాలతో నిర్వహించే భద్రతా పరమైన ఉమ్మడి కార్యకలాపాలు, వ్యాయామాలలో పాటించాల్సిన నియమ నిబంధనలు, సమన్వయం, సేవలు, ఏకీకరణ తదితర విషయాలపై ప్రాముఖ్యతను జై శంకర్ చెప్పారు.
