కాంగ్రెస్–ఆప్ పొత్తుకు బీటలు
అసెంబ్లీలో ఒంటరిపోరుకు ఆప్ సిద్ధం సునీతా కేజ్రీవాల్ అధ్యక్షతన ఎమ్మెల్యేల సమావేశంలో నిర్ణయం
నా తెలంగాణ, ఢిల్లీ: కాంగ్రెస్–ఆప్ పొత్తుకు బీటలు వారాయి. అసెంబ్లీ ఎన్నికల్లో ఒంటిరిగానే పోటీ చేస్తామని ఆప్ ప్రకటించింది. గురువారం ఆ పార్టీ శాసనసభా నాయకుడు, ఢిల్లీ కన్వీనర్ గోపాల్ రాయ్ స్పష్టం చేశారు. పార్టీ ఎమ్మెల్యేల సమావేశం అనంతరం ఆయన మీడియాతో మాట్లాడారు. 2025 ప్రారంభంలో ఢిల్లీ అసెంబ్లీ ఎన్నికలు జరగనున్నాయి. ఎమ్మెల్యేల సమావేశంలో కాంగ్రెస్ నుంచి ముందుగా బయలకు తప్పుకోవాలని పొత్తు ఏ పార్టీతోనూ ఉండకూడదని ఎమ్మెల్యేలు అభిప్రాయం వ్యక్తం చేశారు. లేకుంటే పార్టీకి మనుగడ లేదన్నారు. లోక్ సభ ఎన్నికల్లో పొత్తువల్ల ఎలాంటి లాభం లేకపోగా తీవ్రంగా నష్టపోయామన్నారు. ఈ నేపథ్యంలో ఒంటరిపోరే మేలని నిర్ణయించారు. దీంతో ఆప్ అసెంబ్లీ ఎన్నికల్లో సింగిల్ గానే పోటీ చేస్తుందని కన్వీనర్ గోపాల్ రాయ్ ప్రకటించారు. కాగా ఈ సమావేశాన్ని సీఎం కేజ్రీవాల్ సతీమణి సునీతా కేజ్రీవాల్ అధ్యక్షతన నిర్వహించి తొలి సమావేశంలోనే కాంగ్రెస్ తో కటీఫ్ చేయడం పలువురిని విస్మయానికి గురి చేస్తోంది.
