పెట్టుబడిదారులను తప్పుదోవ పట్టిస్తున్న రాహుల్​

నా తెలంగాణ, న్యూ ఢిల్లీ: స్టాక్​ మార్కెట్లో పెట్టుబడిదారులను తప్పుదోవ పట్టించేలా రాహుల్​ గాంధీ ప్రయత్నిస్తున్నారని బీజేపీ నాయకుడు పీయూష్​ గోయల్​ అన్నారు. రాహుల్​ గాంధీ వ్యాఖ్యలపై ఆయన గురువారం మీడియాతో మాట్లాడుతూ కౌంటర్​ అటాక్​ చేశారు. మార్కెట్లో సంపద రూ. 5 లక్షల కోట్లకు పెరిగిందన్నారు. స్టాక్​ మార్కెట్లో ఒడిదుడుకులు సర్వసాధారణంగా జరుగుతూనే ఉంటాయన్నారు. దీన్ని పట్టుకొని రాహుల్​ గాంధీ విమర్శలు చేయడం ఆయన అవివేకానికి నిదర్శనమన్నారు. ఆయా రాష్ర్టాల్లో గెలుపొందిన కాంగ్రెస్​ పార్టీ మహిళల ఖాతాల్లో లక్ష వేస్తామని చెప్పారు. ముందుగా ఆ వాగ్ధానం నెరవేర్చాలన్నారు. పెట్టుబడిదారులను రాహుల్​ గాంధీ బెదిరిస్తున్నారని ఆరోపించారు. విదేశీ పెట్టుబడులు తగ్గాయని, భారతీయుల పెట్టుబడులు పెరిగాయని తెలిపారు. యూపీఏ హయాంలో భారత్​ మార్కెట్​ విలువ రూ. 67 లక్షల కోట్లుగా ఉండేదన్నారు. ప్రస్తుతం పెట్టుబడులు రూ. 415 కోట్లని తెలిపారు. ప్రపంచంలోనే అతిపెద్ద ఆర్థిక వ్యవస్థలకు భారత మార్కెట్లు అత్యంత విశ్వసనీయంగా ఉన్నాయన్నారు. మోదీ హయాంలో నాలుగు రెట్లు పెరుగుదల చోటు చేసుకుందని పీయూష్​ గోయల్​ స్పష్టం చేశారు.