సోపోర్ లో ఎన్ కౌంటర్ ఉగ్రవాది హతం
ఇద్దరి కోసం కొనసాగుతున్న సెర్చింగ్ ఆపరేషన్
శ్రీనగర్: జమ్మూకశ్మీర్ సోపోర్ జిల్లాలో ఉగ్రవాదులు భద్రతాదళాలకు మధ్య జరిగిన కాల్పుల్లో ఒక ఉగ్రవాది హతమయ్యాడు. ఆ ప్రాంతంలో మరో ఇద్దరి కోసం భద్రతా దళాలు సెర్చ్ ఆపరేషన్ ను కొనసాగిస్తున్నాయి. శనివారం ఉగ్రవాదుల కోసం కొనసాగుతున్న సెర్చింగ్ ఆపరేషన్ లో ఉగ్రవాదులు ఒక్కసారిగా భద్రతా దళాలపై కాల్పులకు తెగబడ్డారు. దీంతో భద్రతా దళాలు ఎదురు కాల్పులకు దిగాయి. పోలీసులు, 32 రాష్ట్రీయ రైఫిల్స్ సంయుక్త బృందం రఫియాబాద్ లో సెర్చింగ్ ఆపరేషన్ ను చేపట్టింది. చేపట్టింది. శుక్రవారం అర్థరాత్రి భద్రతా దళాలు పాక్ ఆక్రమిత కశ్మీర్ వాసి లష్కరే తోయిబా ఉగ్రవాది జహీర్ హుస్సేన్ షాను అరెస్టు చేశాయి. పూంచ్ లో అతన్ని అదుపులోకి తీసుకున్నాయి.
త్వరలో ఎన్నికలు జరగనున్న నేపథ్యంలో జమ్మూకశ్మీర్ లో ఇప్పటికే 300 కంపెనీల పారామిలటరీ బలగాలను కేంద్రం మోహరించింది.
శ్రీనగర్, హంద్వారా, గండేర్బల్, బుద్గాం, కుప్వారా, బారాముల్లా, బందిపోరా, అనంత్ నాగ్, షోపియాన్, పుల్వామా, అవంతిపొరా, కుల్గాంలో ఈ కంపెనీలను మోహరించినట్లు అధికార వర్గాలు తెలిపాయి.
