సీఎంపై కేసు నమోదు!

బెంగళూరు: కర్ణాటక సీఎం సిద్ధరామయ్యపై ముడా భూ ఆరోపణల నేపథ్యంలో కేసు నమోదు కానుంది. భూ ఆరోపణలపై పలు విషయాలను పరిగణనలోకి తీసుకున్న గవర్నర్​ థావర్​ చంద్​ గెహ్లాట్​ కేసు నమోదుకు శనివారం అధికారికంగా అనుమతించారు. సిద్ధరామయ్యతోపాటు మరో 9మందిపై కూడా సామాజిక కార్యకర్త, న్యాయవాది అబ్రహం, ప్రదీప్​, స్నేహమొయి కృష్ణ లు ఫిర్యాదు చేశారు. దీంతో గవర్నర్​ అనుమతితో వీరందరిపై కేసు నమోదు చేసి విచారణకు అనుమతించారు. గతంలో భూ కుంభకోణంలో తన కుటుంబ సభ్యులు, సతీమణి పేరిట భారీగా భూములు కొనుగోలు చేశారు. అనంతరం ఇవే భూములను ముడాకు కట్టబెట్టి వారి వద్ద నుంచి మైసూర్​ లోని అత్యధిక విలువైన స్థలాలను చేజిక్కించుకున్నారు.