స్వాతిమాలివాల్​ పై దాడి కేసు..  విభవ్​ కు మూడు రోజుల పోలీస్​ కస్టడీ

నా తెలంగాణ, న్యూ ఢిల్లీ: స్వాతిమాలివాల్​ కేసులో విభవ్​ కుమర్​ ను మూడు రోజులపాటు పోలీసు కస్టడీకి అప్పగిస్తూ తీస్​ హజారీ కోర్టు తీర్పునిచ్చింది. మంగళవారం ఈ కేసుపై విచారణ కొనసాగింది. కేసును విచారించిన అనంతరం నిర్ణయాన్ని రిజర్వ్​ చేశారు. ఇరు పక్షాల మధ్య తీవ్ర వాదనలు,ప్రతివాదనలు జరిగాయి. 
విభవ్​ తరఫు న్యాయవాది మాట్లాడుతూ.. విభవ్​ తనకు తాను వ్యతిరేకంగా ఎందుకు సాక్ష్యాలను సృష్టించుకుంటాడన్నారు. పోలీసులు చిత్ర హింసలు పెడుతున్నారన్నారు. 
పోలీసుల తరఫున న్యాయవాది వాదిస్తూ ఫోన్​ ను ఫార్మెట్​ చేసినట్లు విభవ్​ ఒప్పుకున్నాడన్నారు. ఘటనను పూర్తిగా వీడియో తీశాడా? లేదా? అన్నది నిర్ధరించాల్సి ఉందన్నారు. ఇరుపక్షాల వాదనలు విన్న కోర్టు విభవ్​ ను మూడు రోజులపాటు పోలీస్​ కస్టడీకి అప్పగిస్తూ నిర్ణయం వెలువరించింది.