స్టేట్​ మెంట్​ ఇచ్చేందుకు కోర్టుకు స్వాతి మాలివాల్​

నా తెలంగాణ, న్యూ ఢిల్లీ: స్వాతి మాలివాల్​ పై దాడి కేసులో శుక్రవారం ఆమె తన స్టేట్​ మెంట్​ ను ఇచ్చేందుకు తీస్​ హజారీ కోర్టుకు హాజరయ్యారు. గురువారం నాలుగైదు గంటలపాటు పోలీసులు విచారణ అనంతరం ఆమెను వైద్య పరీక్షల కోసం ఎయిమ్స్​ ఆసుపత్రికి తరలించారు.అక్కడ ఆమెకు వైద్య పరీక్షలు నిర్వహించారు. మాలివాల్​ స్టేట్​ మెంట్​ ను కోర్టు సీఆర్పీసీ సెక్షన్​ 164 కింద రికార్డ్​ చేయనుంది. మరోవైపు కేసు పూర్వాపరాలు తెలుసుకునేందుకు ఢిల్లీ పోలీసులు శుక్రవారం సాయంత్రం లోగా సీఎం ఇంటికి వెళ్లి అక్కడి సీసీటీవీ ఫుటేజీలను పూర్తిగా పరిశీలించి కోర్టుకు, మహిలా కమిషన్​ కు సమర్పించనున్నారు. 

కాగా ఎన్నికల ప్రచారం నేపథ్యంలో అరవింద్​ కేజ్రీవాల్​ సభ నిర్వహిస్తున్న ప్రాంతానికి మహిళా నాయకురాళ్లు చేరుకొని గాజులు చూపెడుతూ నిరసన తెలిపారు. ఎంపీ, రాజ్యసభ సభ్యురాలిపై దాడి చేస్తారా? అని మండిపడ్డారు. పెద్ద యెత్తున ఆందోలన చేపట్టారు. ఈ ఆందోళనలు బీజేపీ మహిళా నేతలతోపాటు ఆయా పార్టీలకు చెందిన మహిళలు కూడా స్వచ్ఛందంగా పాల్గొనడం విశేషం. 

ఇంకోవైపు సీఎం పీఏ బిభవ్​ ఆచూకీ కోసం పోలీసుల వేట తీవ్రతరమైంది. ఈ కేసును మొత్తం పది బృందాలు విచారిస్తుండగా, అందులోని నాలుగు బృందాలు బిభవ్​ కోసం ప్రయత్నిస్తున్నారు. శుక్రవారం హాజరు కావాలని మహిళా కమిషన్​ కూడా నోటీసులు జారీ చేసింది. మధ్యాహ్నం వరకు అతను కమిషన్​ ముందు హాజరు కాకపోవడం మరోమారు నోటీసులు జారీ చేయనున్నట్లు జాతీయ మహిళా కమిషన్​ చైర్‌పర్సన్ రేఖా శర్మ చెప్పారు. దాడి ఘటనలో సీఎం హస్తం ఉన్నట్లు తేలిన ఆయనపై కూడా చట్టరీత్యా చర్యలుంటాయని రేఖా శర్మ స్పష్టం చేశారు. 

స్వాతిమాలివాల్​ పై 13న జరిగిన దాడి ఘటనలో పోలీసులు 354 (అత్యాచారం), 323 (దాడి), 506 (హత్య చేస్తామని బెదిరింపు), 509 (అసభ్యకర వ్యాఖ్యలు చేయడం) సెక్షన్ల కింద కేసులు నమోదు చేశారు.