సల్మాన్​ కు ఐదోసారి బెదిరింపులు

సికిందర్​ పాటరాసిన వారిని వదలబోం
రూ. 5 కోట్లిస్తే వదిలేస్తాం
కర్ణాటక నుంచి బెదిరింపు కాల్​
బెదిరింపులపై పోలీసుల హెచ్చిరికలు

ముంబాయి: ప్రముఖ బాలీవుడ్​ నటుడు సల్మాన్​ ఖాన్​ కు మరోసారి బెదిరింపు సందేశం వచ్చింది. గురువారం అర్థరాత్రి 12 గంటలకు ఈ బెదిరింపు కాల్​ వచ్చినట్లు బాంద్రా పోలీసులు తెలిపారు. లారెన్స్​ బిష్ణోయ్​ గ్యాంగ్​ నుంచి ఐదోసారి బెదిరింపు వచ్చినట్లు పోలీసులు తెలిపారు. సల్మాన్​ ఖాన్​ నటిస్తున్న తదుపరి చిత్రంలో ఓ పాటను రాసిన వారిని వదిలిపెట్టబోమన్నారు. రూ. 5 కోట్లు ఇస్తే వివాదం పూర్తిగా సమసిపోతుందన్నారు. 

సల్మాన్​ కు ఎవరు సహాయం చేసిన వారినీ వదలబోమన్నారు. కాగా బెదిరింపు కాల్​ కర్ణాటక నుంచి వచ్చినట్లు బాంద్రా పోలీసులు గుర్తించారు. వెంకటేష్​ దాస్​ అనే రిజిస్టర్డ్​ మొబైల్​ నంబర్​ నుంచి ఫోన్​ వచ్చినట్లు గుర్తించి పోలీసుల బృందం కర్ణాటక బయలుదేరింది. ఈ విషయాన్ని కర్ణాటక పోలీసులకు కూడా సమాచారం చేరవేశారు. 

కాగా ఇలాంటి బెదిరింపులకు పాల్పడుతున్న వారిపై కఠిన చర్యలు తప్పవని ముంబాయి పోలీసు ఉన్నతాధికారులు హెచ్చరించారు. సరదా కోసం, భయబ్రాంతులకు గురిచేసేందుకు, పబ్లిసిటీ కోసం ఇలాంటి ఫోన్​ కాల్స్​, బెదిరింపులను సహించబోమన్నారు. 

సల్మాన్​ ఖాన్​ కృష్ణ జింక కేసులో బిష్ణోయ్​ గ్యాంగ్ ఈ బెదిరింపులకు పాల్పడుతున్నట్లు తెలుస్తుంది.