అబూజ్​ మడ్​ లో ఎన్​ కౌంటర్​ ఏడుగురు మావోలు మృతి

రాయ్​ పూర్​: ఛత్తీస్‌గఢ్-మహారాష్ట్ర సరిహద్దులో మరోసారి భారీ ఎన్‌కౌంటర్ జరిగింది. మంగళవారం తెల్లవారుజామున జరిగిన ఈ ఎన్​ కౌంటర్​ లో ఏడుగురు నక్సలైట్లు మృతిచెందారు. వారిలో ఇద్దరు మహిళా నక్సలైట్లు కూడా ఉన్నట్లు తెలుస్తోంది. ఘటనా స్థలం నుంచి భారీ మొత్తంలో ఆయుధాలు పేలుడు పదార్థాలను భద్రతా దళాలు స్వాధీనం చేసుకున్నాయి. వివరాల్లోకి వెళితే.. 

ఛత్తీస్‌గఢ్ లోని నారాయణపూర్‌ అబూజ్​ మడ్​ తకమెటా ప్రాంతంలో డీఆర్‌జీ, ఎస్టీఎఫ్ సిబ్బందికి అందిన సమాచారం మేరకు నారాయణ్​ పూర్​–కాంకేర్​ ప్రాంతంలో సెర్చ్​ ఆపరేషన్​ చేపట్టారు. వేకువజామున ఆ ప్రాంతానికి చేరుకున్న భద్రతా సిబ్బందిపై నక్సలైట్లు కాల్పులు ప్రారంభించారు. దీంతో భద్రతా దళాలు ఆ ప్రాంతాన్ని చుట్టుముట్టి ఎదురు కాల్పులు జరిపారు. కాగా ఈ ఎన్​ కౌంటర్​ పై భద్రతా దళాలు, పోలీసులు ఇంకా సమాచారం వెల్లడించలేదు. కాగా మృతిచెందిన నక్సలైట్లు ఎవరనే గుర్తింపు ప్రక్రియను చేపట్టినట్లు సమాచారం. మృతిచెందిన వారి వద్ద అత్యాధునిక ఏకె–47 ఆయుధాలు లభించాయి. ఏప్రిల్​ 16న జరిగిన ఎన్​ కౌంటర్​ లో 26 మంది నక్సలైట్లు మృతిచెందిన విషయం తెలిసిందే. ఆ తరువాత ఇదే పెద్ద ఎన్​ కౌంటర్​ కావడం విశేషం.