29,30న క్వాడ్ సమావేశం
టోక్యో చేరుకున్న మంత్రి జై శంకర్
టోక్యో: క్వాడ్ (క్వాడ్రిలేటరల్ సెక్యూరిటీ డైలాగ్-QSD) జపాన్ లో జరిగే సమావేశంలో పాల్గొనేందుకు విదేశాంగ శాఖ మంత్రి ఎస్.జైశంకర్ ఆదివారం జపాన్ లోని టోక్యోకు చేరుకున్నారు. ఆయనకు భారత రాయబారి సిబి జార్జ్ స్వాగతం పలికారు.
క్వాడ్ (ఆస్ట్రేలియా, భారత్, జపాన్, యూఎస్) దౌత్య భాగస్వామ్య దేశాల సమూహం. రెండురోజులు జూలై 29, 30న ఈ సమావేశం నిర్వహించనున్నారు.
నాలుగు దేశాల విదేశాంగ మంత్రులు క్వాడ్ ఎజెండాను ముందుకు తీసుకెళ్లనున్నారు. దౌత్య భాగస్వామ్యంలో రక్షణ, భద్రత, స్థిరమైన అభివృద్ధిపై నాలుగుదేశాలతో చర్చించనున్నారు. ఆదివారం రాత్రికి అమెరికా విదేశాంగ మంత్రి ఆంటోనీ బ్లింక్లెన్ తో జై శంకర్ భేటీ కానున్నారు. ఈ సమావేశం జనవరిలోనే జరగాల్సి ఉండగా వాయిదా పడింది.
