ఆరోపణలపై సవాల్​ మీడియా ముఖంగా ఇద్దరం కూర్చుందామా

అమేథీ: కాంగ్రెస్​ పార్టీ నాయకురాలు ప్రియాంక గాంధీకి స్మృతి ఇరానీ సవాల్​ విసిరారు. కాంగ్రెస చేస్తున్న ఆరోపణలపై మీడియా వేదికగా ఇద్దరం కూర్చుందామని సవాల్​ విసిరారు. వారు చేస్తున్న అన్ని ఆరోపణలకు సమాధానాలున్నాయన్నారు. అదే తమ ప్రశ్నలకు వారి వద్ద ఒక్కదానికి కూడా జవాబు లేదన్నారు. గురువారం ఆమె మీడియాతో మాట్లాడారు. ఏం అంశంపైనైనా తాము చర్చకు సిద్ధమని ప్రకటించారు.

వీరి ఆరోపణలకు సమాధానం ఇచ్చేందుకు మ పార్టీ అధికార ప్రతినిధి సుధాంషు త్రివేది సరిపోతారని అన్నారు. 

గాంధీ కుటుంబానికి అమేథీ కంచుకోటగా ఉండేది. కానీ గత ఎన్నికల నుంచి ఆ రివాజును స్మృతి ఇరానీ మార్చేశారు. 2019 ఎన్నికల్లో రాహుల్​ గాంధీ స్మృతి చేతిలో ఘోర ఓటమిపాలయ్యారు. మరోమారు ఓటమి భయంతోనే గాంధీ కుటుంబం రాయ్​ బరేలీకి పారిపోయిందని స్మృతి ఇరానీ ఆరోపించారు. ఈ నేపథ్యంలోనే రాహుల్​ కుటుంబానికి సన్నిహితుడైన కేఎల్​ శర్మను అమేథీ నుంచి రంగంలోకి దింపారు. 

కాగా రాయ్​ బరేలీ నుంచి గత ఎన్నికల్లో పోటీ చేసిన దినేష్​ ప్రతాప్​ సింగ్​ నే మరో మారు బీజేపీ రంగంలోకి దింపడం విశేషం. ఈసారి ఎలాగైనా ఆ అభ్యర్థిని గెలిపించుకోవాలనే పట్టుదలతో పనిచేస్తుంది. ఏది ఏమైనా స్మృతి ఇరానీ, ప్రియాంక గాంధీ సవాళ్లు, ప్రతిసవాళ్లు చర్చనీయాంశంగా మారాయి.