నాణ్యతాలేమి మందులు.. ప్రజల ప్రాణాలతో చెలగాటం
Poor quality medicines are taking people's lives
అన్ని పార్టీలకు ఫండ్ లు
భోగభాగ్యాలతో విలసిల్లుతున్న బడాబాబులు
మోదీ నేతృత్వంలో కఠిన చర్యలు
నా తెలంగాణ, సెంట్రల్ డెస్క్: ఓ వైపు నాణ్యతలేని మందులు విక్రయిస్తూ ప్రజల జీవితాలతో చెలగాటమాడుతున్నారు. మరోవైపు సమాజంలో పెద్దమనుషులుగా చెలామణి అవుతున్నారు. ఇంకోవైపు రాజరికపు భోగభాగ్యాలను అనుభవిస్తున్నారు. కానీ ఈ సంస్థలు విక్రయిస్తున్న పలు రకాల మందులను తీసుకుంటున్న రోగులు మాత్రం తమ ఆరోగ్యాలను గుళ్ల చేసుకొని ప్రాణాలను పోగొట్టుకుంటున్నారు. అయినా ప్రభుత్వాలు ఈ విషయాలపై ఏం చేస్తున్నట్లు, ఇలాంటి బడాబాబులకే వత్తాసు ఎందుకు పలుకుతున్నట్లు, ఈ ప్రభుత్వాలను ఆ పెద్దమనుషులు ఎలా మేనేజ్ చేస్తున్నట్లు అనే విషయాలను తెలుసుకుంటూ పలు ఆశ్చర్యకర విషయాలు వెలుగులొకొచ్చాయి.
రాష్ర్టంలో, దేశంలో అధికారంలోకి వచ్చే, ప్రధాన ప్రతిపక్షం పార్టీలతో బాటు మరికొన్ని పార్టీలకు విపరీతంగా ఈ మందుల సంస్థలు ఫండ్ ల రూపంలో విరాళాలు చెల్లిస్తున్నాయి. ఇక అంతే అధికారంలోకి ఏ ప్రభుత్వం వచ్చినా తాము ఆడింతే ఆట.. పాడిందే పాటగా చెలమణి అవుతోంది. సామాన్యుడు వేసుకునే పారాసిటమాల్ కూడా నాణ్యతా ప్రమాణాల్లో విఫలమైందంటే పరిస్థితుల తీవ్రతను తెలియజేస్తోంది. ఇప్పటికైనా ఆయా ప్రభుత్వాలు చర్యలు తీసుకోకుంటే భవిష్యత్ రోగాల భారత్ గా రూపుదిద్దుకునేందుకు ఎక్కువ సమయం పట్టకపోవచ్చని నిపుణులు పేర్కొంటున్నారు.
ఒకవేళ ఆయా సంస్థలే అంతగా మంచి నాణ్యత ఉన్న మందులు సరఫరా చేస్తూ, ప్రభుత్వ నియమ నిబంధనల మేరకు నడుచుకుంటే ఏ పార్టీలకు విరాళాలు ఇయ్యాల్సిన అవసరం ఎందుకు ఉండేది. అంటే ముందుగానే ఒకవేళ తమతో ఏదైనా తప్పు జరిగితే మేనేజ్ చేయొచ్చని ప్రణాళికలు వేసుకున్నాయా? అంటే అవుననే సమాధానం వస్తోంది.
ఇంతకీ అన్ని రాజకీయ పార్టీలకు విరాళాలు అందజేసిన ఆ బడా సంస్థలేంటో తెలుసా? సన్ ఫార్మా, టోరెంటో ఫార్మాస్యూటికల్స్, అల్కెమ్, హెటెరో ల్యాబ్స్ లిమిటెడ్ లాంటి బడా సంస్థలున్నాయి. ఇదిగో ఇప్పుడు సంస్థల అధినేతలే మార్కెట్లో బడాబాబులుగా చెలామణి అవుతుండడం విశేషం.
కాగా 2014లో మోదీ అధికారంలోకి వచ్చాక క్రమేణా ఆరోగ్య మంత్రిత్వ శాఖను మరింత పటిష్టం చేశారు. ఈ చర్యతో దేశంలోని ఇప్పటికే అనేక రకాలై పరీక్షలు నిర్వహిస్తున్నారు. భవిష్యత్ లోనూ నాణ్యతాలేమి మందులు తయారు చేస్తున్న సంస్థలు, యాజమాన్యాల పట్ల కఠిన వైఖరి అవలంభిస్తున్నారు. ఈ నేపథ్యంలో జరిగిన పరీక్షల్లోనే మందుల నాణ్యతాలేమి తేటతెల్లమైంది.
