ప్రధాని మోదీతో మస్క్​ భేటీ 3 బిలియన్​ డాలర్ల పెట్టుబడి ప్రకటన

నా తెలంగాణ, న్యూ ఢిల్లీ: ప్రధానమంత్రి నరేంద్ర మోదీని కలిసి భారత్​ లో 3 బిలియన్​ డాలర్ల పెట్టుబడిని ఎలన్​ మస్క్​ ప్రకటించనున్నారు. సోమవారం భారత్​ కు టెస్లా యజమాని ఎలన్​ మస్క్​ రానున్నారు. ఈ సందర్భంలోనే పెట్టుబడులను ప్రకటిస్తారని బుధవారం రాయిటర్స్​ సంస్థ వెల్లడించింది. భారత్​ లో తమకు అనువైన స్థలం కోసం అన్వేషిస్తున్నారు. పెట్టుబడులను తొలుతగా ముంబై, ఢిల్లీలో పెట్టనున్నారు. అటు పిమ్మట వ్యాపారాన్ని బట్టి మిగతా నగరాలకు విస్తరించనున్నారు. మస్క్​ మూడో అతిపెద్ద ఆటో మార్కెట్‌ గా టెస్లాను భారత్​ లో నిలపాలనే ఉద్దేశంతో ఉన్నారు. 

భారత్​ లో ఎలక్ట్రిక్ వాహనాల మార్కెట్ అంతంతమాత్రంగానే ఉంది. ఈ వాహనాలను ప్రోత్సహించేందుకు కేంద్ర ప్రభుత్వం ప్రైవేటు భాగస్వామ్యానికి కూడా అవకాశం కల్పించింది. దీంతో పలు విదేశీ సంస్థలు భారత్​ లో తమ పెట్టుబడులకు అనుకూలమైనదిగా భావిస్తున్నాయి. ప్రస్తుతం టాటా మోటార్స్ సంస్థ ఎలక్ట్రిక్ వాహనాల మార్కెట్ దేశంలో పెద్దది. అయితే ఈ సంస్థ 2023లో భారత్​ లో అమ్మకాల సంఖ్యలో కేవలం 2 శాతం మాత్రమే నమోదు చేసింది. కానీ కేంద్ర ప్రభుత్వం 2030 నాటికి భారత్​ లో ఎలక్ట్రిక్ కార్ల విక్రయాలు 30 శాతంగా ఉండాలని లక్ష్యంగా విధించింది. ఈ నేపథ్యంలో విదేశాల్లోని ప్రైవేటు సంస్థలకు అవకాశం కల్పిస్తుంది. మరోవైపు వీటి విక్రయాల వల్ల భారీ సంఖ్యల పెట్రోల్​ ఆదా కానుండడంతో 2030 వరకు కనీసం 30 శాతం పెట్రోల్​ పై పెట్టే ఖర్చు మిగులనుంది. ప్రభుత్వ లెక్కల ప్రకారం ఈ మొత్తం 16 వేల లక్షల కోట్లుగా అధికారులు చెబుతున్నారు. ఒకవేళ ఇదే జరిగితే భారత్​ లో రానున్న కాలంలో ఇంత సంపద కాస్త అభివృద్ధి కార్యక్రమాలకు వినియోగించనున్నట్లు ప్రభుత్వం స్పష్టం చేసింది.