అదానీకే శ్యామ ప్రసాద్​ ముఖర్జీ పోర్ట్​ నిర్వహణ బాధ్యతలు

కోల్​ కతా: అదానీ గ్రూప్​ కు మరో పెద్ద కాంట్రాక్టు లభించింది. కోల్​ కతాలోని శ్యామా ప్రసాద్​ ముఖర్జీ పోర్ట్​ లో కంటైనర్​ సౌకర్యాలు, నిర్వహణను దక్కించుకుంది. ఈ విషయాన్ని శుక్రవారం అదానీ పోర్ట్​ సెజ్​ మీడియాకు వెల్లడించింది. బిడ్డింగ్​ పోటీ ప్రక్రియ ద్వారా పోర్ట్​ నిర్వహణ బాధ్యతలను దక్కించుకున్నామని తెలిపారు. ఒప్పందం ప్రకారం ముఖర్జీ పోర్ట్​ లో సరకు రవాణా పరికరాలను ఒప్పందం ప్రకారం ఏడు నెలల్లోగా అమర్చాల్సి ఉంటుంది. ఒప్పందం ఐదేళ్లపాటు కొనసాగనుంది. దేశంలో ఓడరేవు మౌలిక సదుపాయాలను అభివృద్ధి చేయడమే తమ నిబద్ధతగా భావిస్తున్నట్లు అదానీ పోర్ట్​ సీఈవో అశ్విని గుప్తా తెలిపారు. పోర్టులో కాంట్రాక్టు దక్కడం సంతోషకరమన్నారు. పోర్ట్​ లో లాజిస్టిక్స్​, మౌలిక సదుపాయాల కల్పన, అభివృద్ధికి అనుగుణంగా పనులు నిర్వహిస్తామన్నారు. కాంట్రాక్టు దక్కడంతో పశ్చిమ బెంగాల్​ లోని నిరుద్యోగ యువతకు ఉపాధి కల్పన చేకూరుతుందన్నారు. 

కాగా శుక్రవారం అదానీ పోర్ట్స్ షేర్లు లాభాలతో ముగిశాయి. బిఎస్‌ఇలో కంపెనీ షేర్లు 1.93 శాతం, రూ.26 లాభంతో రూ.1378 వద్ద ముగిశాయి. ఈ షేరులో 52 వారాల గరిష్టం రూ. 1607, 52 వారాల కనిష్టం రూ.702. బీఎస్‌ఇలో కంపెనీ మార్కెట్ క్యాప్ రూ.2,97,850.76 కోట్ల వద్ద ముగిసింది.