ముక్తార్ అంత్యక్రియలు పూర్తి
పరారీలో భార్య, జైలులో కుమారుడు
లక్నో: మాఫియా డాన్, రాజకీయ నేతగా పేరొందిన ముక్తార్ అన్సారీ అంత్యక్రియలు శనివారం పూర్తయ్యాయి. పోస్టుమార్టం అనంతరం రాత్రి ఒంటిగంటకు ముక్తార్ మృతదేహాన్ని మహమ్మదాబాద్లోని ఆయన ఇంటివద్దకు తీసుకువచ్చి కుటుంబ సభ్యులకు అప్పగించారు. ముక్తార్ కుమారుడు ఒకరు ఇప్పటికే జైలులో శిక్ష అనుభవిస్తున్నాడు. భార్య పరారీలో ఉంది. చిన్న కుమారుడు ఒమర్ అన్సారీ ఆధ్వర్యంలో ఘాజీపూర్లో అంత్యక్రియలు పూర్తయ్యాయి. కాగా యూపీలో మాఫియాలుగా చెలమణి అవుతూ అనేక కేసుల్లో నిందితులుగా ఉన్న అతీక్ అహ్మాద్ గతేడాది నిందితులు జరిపిన కాల్పుల్లో మరణించిన సంగతి తెలిసిందే.
