ధ్యాన దినోత్సవానికి ఉంగా ఆమోదం

నా తెలంగాణ, న్యూ ఢిల్లీ: ప్రపంచ ధ్యాన దినోత్సవంగా డిసెంబర్​ 21న ప్రకటించాలన్న భారత్​ ప్రతిపాదనకు ఐక్యరాజ్యసమితి జనరల్ అసెంబ్లీ (యూఎన్​ జీఎ–ఉంగా)లో ఆమోదం లభించింది. అన్ని దేశాలు భారత ప్రతిపాదనకు అనుకూలంగా ఓటు వేశారు.భారత్​, లీచ్టెన్​ స్టెయిన్​, శ్రీలంక, నేపాల్​, మెక్సికో, అండోరాలతో కలిసి భారత్​ ఉంగాలో 193 మంది దేశా సభ్యుల ముందుంచింది. లీచ్టెన్​ స్టెయిన్​ ప్రవేశపెట్టిన తీర్మానాన్ని బంగ్లాదేశ్, బల్గేరియా, బురుండి, డొమినికన్ రిపబ్లిక్, ఐస్‌లాండ్, లక్సెంబర్గ్, మారిషస్, మొనాకో, మంగోలియా, మొరాకో, పోర్చుగల్,  స్లోవేనియాలు మద్ధతు తెలిపాయి. ఈ దేశాలు ప్రపంచ ధ్యాన దినోత్సవ నిర్వహణకు స్పాన్సర్​ చేయనున్నాయి. ఈ సందర్భంగా యూఎన్​ లో భారత శాశ్వత ప్రతినిధి పర్వతనేని హరీష్​ మాట్లాడుతూ.. భారత్​ ప్రపంచదేశాల దృష్టిని ఆకర్షించడం సంతోషకరన్నారు. ధ్యాన దినోత్సవానికి ఏకగ్రీవంగా ఆమోదముద్ర లభించడంపై ఓటువేసిన దేశాలకు కృతజ్ఞతలు తెలిపారు. ప్రధాని మోదీ నేతృత్వంలో ‘వసుదైక  కుటుంబం’ అనే ప్రాథమిక సూత్రం ద్వారా మానవసంక్షేమం కోసం భారత్​ కృషి చేస్తుందన్నారు. డిసెంబర్​ 21న ఉత్తరాయణం ప్రారంభమవుతుంది, సంవత్సరం చివరిలో పవిత్రమైన రోజని ధ్యానాన్ని ప్రారంభించడం సంతోషకరమని పర్వనేని హర్షం వ్యక్తం చేశారు. యోగా దినోత్సవం జరిగిన ఆరు నెలల తరువాత ప్రతీయేటా ధ్యాన దినోత్సవాన్ని జరుపుకుంటారు.