నైజీరియాకు ప్రధాని మోదీ
Modi is the Prime Minister of Nigeria
నా తెలంగాణ, న్యూ ఢిల్లీ: ప్రధానమంత్రి నరేంద్ర మోదీ 17యేళ్ల తరువాత నైజీరియా పర్యటనకు బయలుదేరారు. శనివారం మధ్యాహ్నం న్యూ ఢిల్లీ నుంచి ప్రత్యేక విమానంలో ఆయన నైజీరియాకు పయనమయ్యారు. అధ్యక్షుడు టినుబు ఆహ్వానం మేరకు రెండు రోజులు పర్యటించనున్నారు. ఆదివారం అధ్యక్షుడు అహ్మద్ టినుబుతో భేటీ కానున్నారు. భారత్ – నైజీరియా ద్వైపాక్షిక బంధాలను మరింత బలోపేతం చేయడంపై చర్చిస్తారు. రాజధాని అబుజాలో భారతీయ సమాజాన్ని ఉద్దేశించి మోదీ ప్రసంగిస్తారు. నైజీరియాలో 150కిపైగా భారతీయ సంస్థలున్నాయి. వీటి టర్నోవర్ 2 లక్షల కోట్లకు పై మాటే. ఆదేశ ఆర్థిక వృద్ధిలో భారతీయులు ఆయువుపట్టుగా ఉన్నారు. నైజీరియాలో లభించే చమురు, గ్యాస్ నిల్వలు భారత్ కు ముఖ్యమైనవి. ఈ దేశం భారత ఇంధన అవసరాలను తీర్చగలదు మైనింగ్, ఫార్మాస్యూటికల్స్, ఇన్ఫర్మేషన్ టెక్నాలజీ వంటి రంగాలలో ఆఫ్రికాలో భారతీయ పెట్టుబడులు క్రమంగా పెరుగుతున్నాయి.
నైజీరియా..
వైశాల్యం 9,23,769 కిలోమీటర్లు. 23 కోట్ల జనాభా. ఇంగ్లీష్, హౌసా, యెరూబా స్థానిక భాషలు. ఈ దేశంలో 250కంటే ఎక్కువ జాతులుంటాయి. 500 భాషలు మాట్లాడతారు. ఆఫ్రికాలో భారత్ కు అతిపెద్ద బిజినెస్ పార్టనర్ నైజీరియా కావడం గమనార్హం. 2020–21 74,387 కోట్లు, 2021–22 1,26,233 కోట్లు, 2023–24 మధ్య రూ. 99, 629 కోట్ల వ్యాపారం జరిగింది.
భారత్ –నైజీరియా వ్యాపార బంధాలు..
భారత్ నైజీరియాకు మందులు, వాహనాలను ఎగుమతి చేస్తుంది.
ఇంధనం, గ్యాస్ నిల్వలను భారత్ దిగుమతి చేసుకుంటుంది.
చైనా, నెదర్లాండ్ తరువాత నైజీరియా భారత్ కు ఈ రంగంలో అతిపెద్ద బిజినెస్ పార్టనర్ గా చెప్పొచ్చు.
భారత్ కు చెందిన ఎయిర్ టెల్ నైజీరియాలో అతిపెద్ద రెండో టెలికామ్ సంస్థ.
150 భారతీయ సంస్థలుండగా, 27 అరబ్ డాలర్లు పెట్టుబడులున్నాయి.
నైజీరియాకు స్వాతంత్ర్యం రాకముందు 1958లోనే భారత్ దౌత్య కార్యాలయాన్ని ఏర్పాటు చేసింది.
2002లో 40 యేళ్ల తరువాత కామన్ వెల్త్ దేశాల సమావేశంలో పాల్గొనేందుకు అప్పటి ప్రధాని అటల్ బిహారీ వాజ్ పేయి నైజీరియాకు వెళ్లారు
