శిరోమణి అకాదళ్ అధ్యక్ష పదవికి సుఖ్బీర్ సింగ్ రాజీనామా!
Sukhbir Singh resigned from the post of president of Shiromani Akadal!
చండీగఢ్: పంజాబ్ రాజకీయాల్లో అనూహ్యా పరిణామం చోటు చేసుకుంది. శనివారం శిరోమణి అకాలీదళ్ అధ్యక్ష పదవికి సుఖ్బీర్ సింగ్ బాదల్ రాజీనామా చేశారు. పంజాబ్ ఎన్నికల్లో ఘోర పరాజయం తరువాత ఆయనపై పలు ఆరోపణలు, ప్రత్యారోపణలు వచ్చాయి. దీనిపై అసంతృప్తితో ఉన్న ఆయన తన రాజీనామాను ప్రకటించారు. పార్టీలో ఒక వర్గం నుంచి సుఖ్బీర్ సింగ్ కు వ్యతిరేకత ఎదురవుతోంది. రాజీనామాను మాజీ మంత్రి దల్జీత్ సింగ్ చీమా ధృవీకరించారు. అయితే ఎస్ ఎడీ వర్కింగ్ కమిటీ అధ్యక్షుడు ఎస్ బల్విందర్, ఎస్ భుందర్ ఈ నెల 18న చండీగఢ్ లోని పార్టీ కార్యాలయంలో కార్యవర్గ సమావేశాన్ని నిర్వహించనున్నారు. రాజీనామాను పరిశీలించి తదుపరి అధ్యక్షుడు ఎవరన్నది అభిప్రాయ సేకరణ చేపట్టనున్నట్లు తెలిపారు. కాగా డిసెంబర్ 14న వర్కింగ్ కమిటీ ఎన్నికలు కూడా నిర్వహించనున్నట్లు పార్టీ ప్రకటించింది.
