మహాదేవ్​ బెట్టింగ్​ యాప్​ కేసు.. రూ. 387 కోట్ల ఆస్తులను అటాచ్​ చేసిన ఈడీ

నా తెలంగాణ, న్యూ ఢిల్లీ: మహాదేవ్​ బెట్టింగ్​ యాప్​ కేసులో ఈడీ రూ. 387 కోట్ల విలువైన ఆస్తులను అటాచ్​ చేసింది. శనివారం ఆస్తులను అటాచ్​ చేసిన విషయాన్ని ప్రకటన మాధ్యమంగా వెల్లడించింది. మహాదేవ్​ బెట్టింగ్​ యాప్​. ఈ యాప్​ ద్వారా పలువురు బాలీవుడ్​ ప్రముఖులు కూడా లబ్ధి పొందారు. యాప్​ వెనుక రాజకీయ నాయకులు, అధికారులు, బాలీవుడ్​ ప్రముఖుల హస్తం ఉన్నట్లు ఆరోపణలున్నాయి. ఆస్తులను అటాచ్​ చేస్తూ ఆర్డర్​ ను జారీ చేసింది. అటాచ్​ చేసిన ఆస్తులు చత్తీస్​ గఢ్​, ముంబై, మధ్యప్రదేశ్​, మారిషస్​ లో ఉన్నాయి. ఈడీ విచారణలో సిండికేట్​ ద్వారా ఈ బెట్టింగ్​ లు నిర్వహించినట్లు తేలింది. ఇప్పటివరకే ఈ కేసులో ర. 2వేల కోట్లకు పైగా ఆస్తులను జప్తు చేశారు. బ్యాంకు, సెక్యూరిటీ రూపంలో  ఉన్న ఆస్తుల విలువ రూ. 1729.17 కోట్లుగా ఉంది. ఈ కేసులో ఇప్పటివరకూ 11 మందిని ఈడీ అరెస్టు చేసింది.