బంగ్లాలో ఇస్కాన్​ దేవాలయంపై దాడి

ఢాకా: బంగ్లాదేశ్​ లో మరో హిందూ దేవాలయంపై దాడి ఆందోళన కలిగిస్తోంది. శుక్రవారం అర్థరాత్రి ఇస్కాన్ దేవాలయానికి ముష్కరులు నిప్పు పెట్టారు. దీంతో ఆలయం పూర్తిగా అగ్నికి ఆహుతయ్యింది. వస్తువులన్నీ కాలిపోయాయి. ఇస్కాన్​ దేవాలయంలోని లక్ష్మీనారాయణ విగ్రహాం దహనమైంది. ఈ ఆలయం బంగ్లాలోని నమ్​ హట్టాలో ఉంది. నిరంతరం హిందువులు, దేవాలయాలపై దాడుల పట్ల ఆందోళన వ్యక్తం అవుతుంది. మాజీ ప్రధాని హసీనా రాజీనామా, వ్యూహాత్మకంగా తాత్కాలిక యూనస్​ ప్రభుత్వాన్ని ఏర్పాటు చేయడం, యూనస్​ ప్రభుత్వం ఉగ్రవాదులతో చేతులు కలిపి హిందువులపై దాడులకు పాల్పడుతున్న వారిపై ఎలాంటి చర్యలు తీసుకోకపోవడంతో ప్రపంచవ్యాప్తంగా ఆందోళన కలిగిస్తోంది. పాక్​, చైనాలతో జతకట్టే ఈ దాడులకు ముష్కరులు దిగుతున్నట్లు భారత ఇంటలిజెన్స్​ వద్ద పక్కా సమాచారం ఉన్నట్లుగా తెలుస్తోంది. ఇందులో భాగంగానే చిన్మోయ్​ కృష్ణదాస్​ ను అరెస్ట్​ చేశారు. కావాలనే హిందువులు, మైనార్టీలపై ప్రతీకార దాడులకు దిగుతున్నారు. బంగ్లా అసాధారణ పరిస్థితులను చల్లార్చేందుకు, హిందువులపై దాడులను నిరోధించేందుకు భారత్​ ప్రయత్నిస్తున్నా ఆ చర్యలు సత్ఫలితాలను సాధించేందుకు మరింత సమయం పట్టేలా గోచరిస్తుంది.