రాహుల్​ కు చిక్కులు సుల్తాన్​ పూర్​ కోర్టులో జూలై 2న హాజరు కావాలని ఆదేశం

లక్నో: అమిత్​ షాపై హత్యారోపణల కేసులో రాహుల్​ గాంధీకి చిక్కులు పెరిగాయి. బుధవారం ఈ కేసు విచారణ సందర్భంగా సుల్తాన్​ పూర్​ కోర్టులో జూలై 2న వ్యక్తిగతంగా హాజరుకావాలని ఆదేశించింది. పార్లమెంట్​ స్పీకర్​ ఎన్నికలు ఉన్నందున రాహుల్​ గాంధీ విచారణకు హాజరు కాలేదని ఆయన తరఫు న్యాయవాది తెలిపారు. 2018 మే 8న బెంగళూరు అసెంబ్లీ ఎన్నికల సందర్భంగా రాహుల్​ గాంధీ విలేఖరుల సమావేశంలో మాట్లాడుతూ.. అమిత్​ షా హంతకుడని అనుచిత వ్యాఖ్యలు చేశారు. 
కాగా 2024 ఫిబ్రవరి 20న సుల్తాన్​ పూర్​ కోర్టులో రాహుల్​ గాంధీ లొంగిపోయారు. కోర్టు రూ. 25వేల పూచీకత్తుతో బెయిల్​ మంజూరు చేసింది. ఈ కేసులో రాహుల్​ వాంగ్మూలాన్నికోర్టు నమోదు చేయనుంది. కాగా ఈ వ్యాఖ్యలపై కలత చెందిన బీజేపీ నేత విజయ్ మిశ్రా 2018లో రాహుల్‌పై పరువు నష్టం కేసు వేశారు. గత ఆరేళ్లుగా కేసు విచారణ కొనసాగుతోంది.