బీజేపీలో చేరిన లవ్లీ, మరో నలుగురు

నా తెలంగాణ, న్యూఢిల్లీ: కాంగ్రెస్​ పార్టీకి ఆ పార్టీ నేతలు ముచ్చెమటలు పట్టిస్తున్నారు. వరుసగా పార్టీని వీడుతూ తలలు పట్టుకునేలా చేస్తున్నారు. శనివారం ఢిల్లీ కాంగ్రెస్​ మాజీ అధ్యక్షుడు అరవిందర్​ సింగ్​ లవ్లీ, రాజ్​ కుమార్​ చౌహాన్​, నసీమ్​ సింగ్​, అమిత్​ మాలిక్​, నీరజ్​ బసోయాలు బీజేపీలో చేరారు. ఆప్​ తో పొత్తు నేపథ్యంలో తొలుత వారం క్రితం లవ్లీ తన అధ్యక్ష పదవికి రాజీనామా చేశారు. పార్టీకి మాత్రం రాజీనామా సమర్పించలేదు. లవ్లీ రాజీనామాతో కాంగ్రెస్​ లో ప్రకంపనలు రేగి వరుస రాజీనామాల పర్వం కొనసాగింది. ఈ నేపథ్యంలో వారంతా బీజేపీలో చేరారు. వీరికి బీజేపీ కేంద్ర నాయకులు సాదర స్వాగతం పలికారు. ఖండువా కప్పి పార్టీలోకి ఆహ్వానించారు. ప్రధాని నరేంద్ర మోదీ నేతృత్వంలోని అందరం కలిసి మెలిసి పనిచేసి దేశాభివృద్ధికి కృషి చేద్దామని తెలిపారు.