ప్రజలకు లాలీపాప్​ లు అవినీతిలో కాంగ్రెస్​ వాటా!

నా తెలంగాణ, న్యూ ఢిల్లీ: ప్రజలకు లాలీపాప్​ లు అందించి కోట్ల అవినీతికి పాల్పడిన పార్టీ కాంగ్రెస్​ అని బీజేపీ అధికార ప్రతినిధి సుధాంశు త్రివేది మండిపడ్డారు. శనివారం న్యూ ఢిల్లీలో విలేఖరులతో మాట్లాడారు. కాంగ్రెస్​ అనుచిత ధోరణికి ఇది నిదర్శనమన్నారు. కర్ణాటకలో ముడా కుంభకోణంలో సీఎం సిద్ధరామయ్యతో కలిసి కాంగ్రెస్​ అవినీతికి పాల్పడి భారీగా ఆస్తులు సంపాదించిందని ఆరోపించారు. కోర్టు నిందితుడిగా చేర్చినా విచారణకు జంకేందుకన్నారు. అవినీతి ఆరోపణలు ఎదుర్కొంటున్న నంబర్​ వన్​ తో రాహుల్​, సోనియాగాంధీలు నిలబడాలని అనుకుంటున్నారా? అని ప్రశ్నించారు. మల్లిఖార్జున ఖర్గే కూడా కర్ణాటక నుంచి వచ్చారు. కర్ణాటకలో ఏ ప్రభుత్వం వచ్చినప్పటి నుంచి అవినీతి తారాస్థాయికి చేరిందో చెప్పాలన్నారు. ఇందులో కాంగ్రెస్​ అవినీతి స్పష్టంగా కనిపిస్తుందన్నారు. హరియాణా అభ్యర్థి ఏది చెబితే అదే కర్ణాటక సీఎం చేస్తున్నారని మండిపడ్డారు. వీరంతా ఒకే కుటుంబానికి చెందిన వారున్నారని విమర్శించారు. బెంగాల్​ లో నేరస్థుల నైతికత ఎలా పెరిగిందో చూడాలన్నారు. ప్రభుత్వాలు కూడా వారి ముందు బందీలుగా మారాయన్నారు. ఐఏఎస్​ అధికారి భార్యతో అనుచితంగా ప్రవర్తించిన కేసులో కూడా ఆ రాష్ర్ట ప్రభుత్వం చర్యలు తీసుకున్న దాఖలాలు లేవన్నారు. పశ్చిమ బెంగాల్​ మహిళలు, విద్యార్థినులకు ప్రమాదకరంగా మార్చడంలో ఎవరి పాత్ర ఉందని ప్రశ్నించారు. సోరెన్​, రాహుల్​, సిద్ధరామయ్య, మమతా బెనర్జీలది ఒప్పుకోలు పాలన అని సుధాన్షు త్రివేది విమర్శించారు.