నక్సలైట్లు ఏ భాషలో వింటే అదే భాషలో చెబుతాం

రాయ్​ పూర్​: నక్సలైట్లు బుల్లెట్లు, ఆయుధాలతోనే వింటారంటే ప్రభుత్వం కూడా వారి భాషలోనే చెబుతుందని చత్తీస్​ గఢ్​ సీఎం విష్ణుదేవ్​ సాయ్​ అన్నారు. ఒకవేళ హింసామార్గాన్ని విడనాడీ మాటలతో మంచి మార్గంలో నడవాలని తలస్తే తాము చర్చలకు సిద్ధంగా ఉన్నామని సీఎం అన్నారు. మంగళవారం ఎన్​ కౌంటర్​ కు ముందు సీఎం విష్​ణుదేవ్​ సాయ్​ మీడియాతో మాట్లాడారు. తాము అధికారంలోకి వచ్చినప్పటి నుంచి నక్సలిజంపై పోరు తీవ్రతరం చేశామని తెలిపారు. చత్తీస్​ గఢ్​ లో నక్సల్స్​ సమస్య పూర్తిగా నిర్మూలించాలనే లక్ష్యంతో బీజేపీ ఉందని తెలిపారు. హోంమంత్రి కూడా ఇదే విషయాన్ని పలు వేదికల ద్వారా స్పష్టం చేశారని తెలిపారు. అభివృద్ధి జన జీవన స్రవంతిలో చేరాలనుకునే వారికి స్వాగతం పలుకుతామని సీఎం సాయ్​ తెలిపారు. తాము నక్సలైట్లను జన జీవన స్రవంతిలో కలవాలని తానే కాదు చాలాసార్లు హోంమంత్రి విజయ్​ శర్మ కూడా విజ్ఞప్తి చేశారనే విషయాన్ని గుర్తు చేశారు.