2030నాటికి 50శాతం దాటనున్న క్లీన్​ ఎనర్జీ

నా తెలంగాణ, న్యూ ఢిల్లీ: భారత్​ లో విద్యుత్​ ఉత్పత్తిలో శిలా ఇంధనం ఆధిపత్యం ముగిసి 2030 నాటికి క్లీన్​ ఎనర్జీ 50 శాతం దాటుతుందని ఆర్బీఐ శనివారం నివేదికలో వెల్లడించింది. శక్తిపరివర్తనలో భాగంగా పునరుత్పాదక ఉత్పత్తిలో వృద్ధి నమోదవుతుందని వెల్లడించింది. క్లీన్ ఎనర్జీలో భాగంగా పెట్టుబడులు కూడా పెరగనున్నాయని పేర్కొంది. ఈ ప్రయత్నంలో పర్యావరణ హిత విద్యుత్​ ఉత్పత్తి సాధ్యమవుతుందని తెలిపింది. అన్ని పరిశ్రమ వర్గాలకు క్లీనర్​ పవర్​ జనరేషన్​ వృద్ధిని నమోదు చేస్తుందని తెలిపింది. దీంతోపాటు కార్బన్​ ఉద్ఘారాలను కూడా గణనీయంగా తగ్గించగలుగుతామన్నారు. ఈ రంగంలో డాలర్​ పెట్టుబడులు పెరగనున్నాయని ఆర్బీఐ తెలిపింది. 2050 నాటికి డీకార్బనైజ్​ గ్లోబల్​ ఎనర్జీ సిస్టమ్​ స్థాపించేందుకు 215 యూఎస్ డీ ట్రిలియన్ల డాలర్లు చేరుకుంటుందని తెలిపింది. దీంతో ఆర్థిక రంగం మరింత బలోపేతం అవుతుందని తెలిపింది. శక్తి పరివర్తనలో సంపూర్ణత సాధించేందుకు పబ్లిక్​ పాలసీ జోక్యాలు, మార్కెట్​ ఆధారిత పోటీ మధ్య సరైన సమతుల్యత సాధించడం అవసరమని ఆర్బీఐ స్పష్టం చేసింది.