భారత్​ లో కుట్రకు ఖలిస్థాన్​ గ్రూప్​ కుట్ర

నా తెలంగాణ, న్యూ ఢిల్లీ: భారత్​ లో విధ్వంసం సృష్టించేందుకు ఖలిస్థానీ ఉగ్రవాదులు కుట్రలు పన్నుతున్నట్లు ఇంటలిజెన్స్​ ఎన్​ ఐఎకు ఆదివారం మరోమారు హెచ్చరికలు జారీ చేసింది. దీంతో ఎన్​ ఐఏ అలర్టయ్యింది. విదేశాల్లో ఉన్న ఐదుగురు ఖలిస్థానీ ఉగ్రవాదులు ఈ కుట్రకు తెరలేపుతున్నట్లు గుర్తించింది. పంజాబ్‌లోని పాటియాలా సెంట్రల్ జైలులో శిక్ష అనుభవిస్తున్న ఖలిస్థానీ ఉగ్రవాది కమల్‌జీత్ శర్మతో ఈ ఐదుగురు సంప్రదింపులు జరుపుతున్నట్లు వెల్లడించింది. ఇంటెలిజెన్స్ వర్గాల సమాచారం ప్రకారం.. యూఏఈలో నివసిస్తున్న బల్జీత్ సింగ్ (బల్జీత్ మౌర్), ఆస్ట్రేలియాలో నివసిస్తున్న గుర్జీత్ సింగ్, కెనడాలో నివసిస్తున్న ప్రిన్స్ చౌహాన్, అమెరికాలో నివసిస్తున్న అమన్ పూరేవాల్, పాక్​ కు చెందిన బిలాల్ మన్షేర్ ఈ కుట్రలో పాలుపంచుకుంటున్నారని స్పష్టం చేసింది. ఈ డబ్బు ద్వారా అక్రమ మార్గాల్లో భారత్​ కు ఆయుధాలు, డ్రగ్స్​ సరఫరాకు వినియోగిస్తున్నారని గుర్తించింది. ఈ ఉగ్రవాదులకు ఇంకా భారత్​ నుంచి పెద్ద యెత్తున హవాలా రూపంలో డబ్బులు అందుతున్నాయని ఇంటలిజెన్స్​ వర్గాలు గుర్తించాయి. ఈ ఐదుగురు ఎన్​ ఐఏ హిట్​ లిస్ట్​ లో ఉన్నట్లు తెలుస్తోంది. కాగా పాటియాల జైలులో ఉన్న కమల్​ జీత్ పై ఇప్పటికే మూడు చార్జీ షీట్​ లను ఎన్​ ఐఏ దాఖలు చేసింది.