చార్​ ధామ్​ యాత్రకు పోటెత్తిన భక్తులు

నైనిటాల్​: చార్​ ధామ్​ యాత్ర కు భక్తులు పోటెత్తుతున్నారు. గతంలోని రికార్డులు బద్ధలయ్యేలా భక్తులు కొన్ని కిలోమీటర్ల మేర క్యూ కట్టారు. ఆదివారం సెలవు రోజు కావడంతో భక్తులు అధిక సంఖ్యలో చార్​ ధామ్​ యాత్రలకు వచ్చినట్లు అధికారులు వివరించారు. మరోవైపు ఉత్తరాఖండ్​ లో వాతావరణ శాఖ హెచ్చరికలతో ఆ రాష్ర్ట ప్రభుత్వం పెద్ద యెత్తున భక్తుల కోసం సౌకర్యాలను కల్పించింది. అంబులెన్సులు, భద్రతా బలగాలు, మందులు, ఎమర్జెన్సీ సర్వీసులను అలర్ట్​ చేసింది. భక్తులకు అసౌకర్యం కలగకుండా అన్ని ఏర్పాట్లను చేసింది. అదే సమయంలో వాతావరణ శాఖ హెచ్చరికలను కూడా దృష్టిలో పెట్టుకొని ఆ రాష్ర్ట ప్రభుత్వం అన్ని జాగ్రత్తలను తీసుకుంటోంది. మరోవైపు వాతావరణ శాఖ హెచ్చరికలను కూడా భక్తులు పరిగణనలోకి తీసుకొని అధికారుల సూచనలు, సలహాలను పాటించాలని విజ్ఞప్తి చేశారు.