కేసీఆర్​, రేవంత్​ వి పొంకనాలే!

నా తెలంగాణ, హైదరాబాద్​: రైతుల సంక్షేమం కోసం బీఆర్​ కేసీఆర్​, సీఎం కేసీఆర్​ చెప్పిన, చెబుతున్న మాటలు ఉత్తి పొంకనాలే అని తెలంగాణ రాష్ర్ట బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్​ రెడ్డి ఆరోపించారు. దొడ్డు వడ్ల కొనుగోలు దేవుడెరుగు గానీ ఇచ్చిన హామీ ప్రకారం సన్నవడ్లకు బోనస్​ వస్తుందని చెప్పి వాటికి సవాలక్ష మెలికలు పెట్టి రైతుల ధాన్యాన్ని కొనుగోలు చేయడంలో విఫలమవుతున్నారని విమర్శించారు. రాష్ర్టంలో 64 లక్షల మంది రైతులంటే కేవలం 17 లక్షల మంది రైతులకు మాత్రమే రుణమాఫీ చేశారన్నారు. 11 నెలల నుంచి సీఎం ఇచ్చిన హామీలు ఎందుకు అమలు కావడం లేదని నిలదీశారు. మూసీ ప్రక్షాళన పేరుతో నిరుపేదల ఇళ్లు కూలగొడుతున్నారని మండిపడ్డారు. ప్రక్షాళనకు ఓ ప్రణాళిక అంటూ ఏమీ లేదన్నారు. ఎంత సమయం పడుతుందో వారికే తెలియదని విమర్శించారు.