లెబనాన్ దిశగా ఇజ్రాయెల్ ట్యాంకులు
Israeli tanks towards Lebanon
హిజ్బొల్లా చీఫ్ హతం
15యేళ్లకే ఇజ్రాయెల్ పై ద్వేషం
ఏడుగురిని మట్టుబెట్టిన ఐడీఎఫ్
ఇరాన్ తలదూరిస్తే మేమూ అడుగేస్తాం: అమెరికా వార్నింగ్
ఇజ్రాయెల్ లో హై అలర్ట్
నా తెలంగాణ, సెంట్రల్ డెస్క్: ఎట్టకేలకు ఇజ్రాయెల్ తన పంతం నెగ్గించుకుంటోంది. హిజ్బొల్లా చీఫ్ హసన్ నస్రుల్లాను అంతమొందించింది. అమెరికా ఈ దాడికి సిగ్నల్ ఇచ్చినట్లుగా తెలుస్తోంది. దీంతోపాటు మొస్సాద్ నెట్ వర్క్ ను ఉపయోగించి నస్రుల్లా బీరూట్ లో ఉన్న ఖచ్చితమైన ప్రాంతాన్ని గుర్తించి నిర్దరించుకున్నాక ఒక్కసారిగా వైమానిక దాడులకు పాల్పడింది. దీంతో ఈ దాడుల్లో నస్రుల్లాతోపాటు అతని కూతురు జైనత్, సోదరుడు, హిజ్బొల్లా ఆర్మీ కమాండర్ తో సహా మరో ముగ్గురు మృతి చెందారు. నస్రుల్లా మృతితో ఆయన సోదరుడిని హిజ్బొల్లా చీఫ్ గా చేయాలని నిర్ణయించారు.
నస్రుల్లా..
నస్రుల్లా 1992 నుంచి ఇరాన్ -మద్దతు గల సంస్థ హిజ్బుల్లాకు చీఫ్‌గా ఉన్నారు. 32యేళ్ల నుంచి ఈ బాధ్యతలను వహిస్తున్నాడు. 15యేళ్లకే ఇజ్రాయెల్ పై ద్వేషం పెంచుకున్నాడు. 1982లో హిజ్బొల్లా ఏర్పడగా ఈ సంస్థలో సభ్యుడిగా కొనాసగాడు. అనంతరం 1992లో చీఫ్ గా ఎంపికయ్యాడు. 2006లో ఇతని ఆధ్వర్యంలో లెబనాన్ నుంచి ఇజ్రాయెల్ దళాలను వెనక్కి పంపగలిగాడు.
ఇజ్రాయెల్ దాడుల్లో మృతులు..
హసన్ నస్రుల్లా (హిజ్బొల్లా చీఫ్), ఫూవాద్ షుకర్ (టాప్ కమాండర్), ఇబ్రహీం అకిల్ (ఆపరేషనల్ చీఫ్), అల్ కాక్రీ (సౌత్ లెబనాన్ చీఫ్ కమాండర్, వసీమ్ అల్ తవీల్ (కమాండర్), తాలిబ్ సలీమ్ అబ్దుల్లా (నాసర్ యూనిట్ కమాండర్), మహమ్మద్ నాసేర్ (యూనిట్ కమాండర్).
ఇరాన్ ఖమేనీ అత్యవసర సమావేశం..
హిజ్బొల్లా చీఫ్ నస్రుల్లా మృతి వార్త తెలుసుకున్న ఇరాన్ అధ్యక్షుడు అయతుల్లా ఖమేనీ ఆ దేశ రక్షణ, భద్రతాధికారులతో ఉన్నతస్థాయిలో చర్చలు జరిపారు. ఇజ్రాయెల్ దాడిని తీవ్రంగా ఖండించారు. ఇజ్రాయెల్ దాడులపై ఇస్లామిక్ ప్రపంచం అంతా ఒక్కటై తిప్పి కొట్టాల్సిన అవసరం ఉందని అన్నారు. అదే సమయంలో అధ్యక్షుడు ఖమేనీని ఆ దేశ ఇంటలిజెన్స్ సురక్షిత ప్రాంతానికి తరలించింది. నస్రుల్లా మృతికి బదులు తీర్చుకోవాలని ఇస్లామిక్ దేశాలు ఒక్కటై సమాధానం చెబుతామని పిలుపునిచ్చారు.
గత పదిరోజుల్లో ఇజ్రాయెల్ దాడులు..
17 సెప్టెంబర్ పేజర్లు బ్లాస్ట్ 12 మంది మృతి
18 వాకీ టాకీలు బ్లాస్ట్ 27 మంది మృతి
20 సెప్టెంబర్ 70మిస్సైళ్ల దాడులు 45 మంది మృతి
21 సెప్టెంబర్ 400 మిస్సైళ్ల దాడులు 14 మంది మృతి,
22 సెప్టెంబర్ 150 మిస్సైళ్ల దాడులు 23 మందికి తీవ్ర గాయాలు
23 సెప్టెంబర్ 1600 ప్రాంతాల్లో దాడులు 558 మంది మృతి
24 సెప్టెంబర్ బీరూట్ లో దాడి ఆరుగురు మృతి
25 సెప్టెంబర్ బాల్బెక్, బేల్ లో దాడులు 51 మంది మృతి
26 సెప్టెంబర్ బీరూట్ లో దాడులు ఐదుగురు మృతి
27 సెప్టెంబర్ బీరూట్ లో దాడులు ఆరుగురు మృతి
అమెరికా–ఇజ్రాయెల్ అప్రమత్తం..
మధ్యప్రాచ్యం నుంచి ఇజ్రాయెల్ కు దారి తీసే సముద్రంలో అమెరికా ఇప్పటికే భారీ ఎత్తున తన యుద్ధ నౌకలను రంగంలోకి దింపింది. ఒకవేళ ఇరాన్ రంగంలోకి దిగితే తాము కథనరంగంలోకి దిగక తప్పదని హెచ్చరించింది. మరోవైపు ఇజ్రాయెల్ లెబనాన్, బీరూట్ దిశగా పెద్ద యెత్తున యుద్ధట్యాంకులను తరలిస్తోంది. ఐడీఎఫ్ దళాలు లెబనాన్ లోకి ప్రవేశించడంలో ఇస్లామిక్ దేశాల్లో తీవ్ర ఆందోళన వ్యక్తం అవుతుంది. లెబనాన్ ను కూడా గాజాల భస్మీపటలం చేసే యోచనలో ఇజ్రాయెల్ ఉందని ఆగ్రహం వ్యక్తం చేసింది. అలా జరిగితే ఇజ్రాయెల్ ఫలితం చెల్లించుకోవాల్సిందేనని హెచ్చరికలు జారీ చేసింది.
